Lampe: Diabierna ta formalisa traspaso ‘voorschoolse-opvang’ pa minister Croes

ORANJESTAD – Diabierna conseho di minister ta formalisa e traspaso di e asina yama voor-schoolse opvang di minister Rudy Lampe pa minister Glenbert Croes. Asina minister Lampe a bisa diahuebs mainta durante un conferencia di prensa. E la bisa esaki, segun su persona, pa e no tin cu tende diabierna cu atrobe ‘nan a kita otro cos di e minister’. E mandatario a hasta presenta e documento di ley unda cu ta bisa textualmente cu ta riba sugerencia di Lampe, cu esaki ta tuma lugar. E mandatario tabata defensivo den su presentacion,  mirando tur e atakenan cu el a bin ta confronta e ultimo simanann, y sigur siman pasa. Siman pasa ora cu prome minister Evelyn Wever a bisa cu conseho di minister a dicidi di traspasa Trai Merdia (na-schoolse opvang) di Lampe pa (Glenbert) Croes, esaki a crea henter un sensacion segun e mandatario. Algo cu e kier a evita cu su declaracion diahuebs mainta.