Reunion di Tweede Kamer pa trata geschillenregeling ta sigui

DEN HAAG – E ronda final pa trata e rijkswet geschillenregeling a cuminsa diahuebs mainta (ora di Aruba) cu un ora di retraso. Notable ta cu tin basta partido di Hulanda (oposicion) cu ta sostene e amiendanan presenta pa Aruba, mientras cu partido di gobierno (VVD) tin problema ainda pa acepta esaki. Di parti di Corsou, a mustra cu ta prefer pa no pasa e ley, cu pasa un ley cu nan no por biba cu ne. Ta e intencion pa keda cla awe mes cu e tratamento y wak si Tweede Kamer ta aproba e ley aki finalmente y cu si e version ta uno cu ta beneficia islanan Aruba, Corsou y St Maarten. Riba peticion di presidente di Tweede Kamer, ta presidente di parlamento di Aruba Ady Thijsen y miembro di AVP Richard Arends so a hiba palabra awe mainta. 

TARDANSA

E motibo di e tardansa segun informacion cu NoticiaCla tin, ta cu tabatin hopi ‘negosacion interno’ entre parlamentarionan di varios partido, incluyendo esnan di Aruba y Hulanda, pa wak si por convence otro di e ley. Y for di e prome tanda, por a nota cu e lobbymento a y ta logrando. Keda pendiente pa e resultado final di e reunion. Potretnan ta di e portal di Tweede Kamer.