Parlamento a pasa mocion pa Hulanda revoca aanwijzing

ORANJESTAD – Diabierna anochi laat parlamento di Aruba a pasa varios mocion cu ta referi na e KB (Koninklijk Besluit) , cu tin cu apodera gobierno pa hala atencion di Conseho di MInister di Reino, cu e fin pa revoca e KB. Mayoria di e mocionan a pasa cu 11 voto pro y ningun contra, pasobra partido MEP no tabata presente den sala pa votacion. 

E reunion, no tabata sin su incidentenan y despues di poco rato, fraccion di MEP a retira. Segun version di e partido heel, ta ora cu mester a skibi nomber pa hiba palabra, a bin un confrontacion entre miembro di fraccion di AVP, Clarisca Velazquez y lider di partido MEP. Fraccion di Mep a sinti si mes insulta y a bandona e reunion. Algun rato despues nan a yama un conferencia di prensa urgente na nan sede na Santa Cruz pa splica kico a sosode. . E fotonan ta duna un impresion di e reunion. Fotonan Garrick Lacle di NoticiaCla.