Xander Bogaerts lo ta den All Star Games toch!

Xander Bogaerts lo ta den All Star Games toch!

Posted on 07/3/2019 4:57 pm AST | Updated on 07/3/2019 4:58 pm AST

BOSTON – Xander Bogaerts lo forma parti toch di e ekipo di estrea (All Star) di liga Americana. Esaki a keda anuncia diaranson (awe). E ta fungi como e reemplazo di lesion, cu ta nifica cu si un hungador leshona, e ta drenta na su lugar. Prome cu esey, tabatin hopi discussion cu Bogaerts a cay cortico pa e seleccion, pasobra e tabata na di 5 lugar di voto. Algun aña pasa el a drenta como hungador pero a hunga solamente un inning. Bogaerts inicialmente a expresa desapunto cu el a keda afo, bisando cu esey no tabata corecto. Esaki pasobra e la gana su derecho di forma parti di e ekipo cu 16 homerun, 58 careda impulsa den 82 wega. E ta lidera e liga shortstop y doblete (28) y careda empuha (58).  

 

 

  • Aruba ta gana Puerto Rico den Caribbean Tournament Little League na Corsou

    Aruba ta gana Puerto Rico den Caribbean Tournament Little League na Corsou

    WILLEMSTAD – Den e Little League Baseball Caribbean Tournament tumando lugar na Corsou, (loke antes tabata Campeonato Latino Americano di Little League) Aruba a gana Puerto Rico 10-1 i ta pasa pa semi final mañan contra Liga Pabou di Corsow. E ganador di e serie ta bay  World Series na Williamsport. Mucho mas informacion no tabata disponibel ainda. Keda pendiente pa mas informacion. Potret ta screenshot di Cariflix. 

  • Seleccion campeon di Pony League U8 a bolbe Aruba diamars

    Seleccion campeon di Pony League U8 a bolbe Aruba diamars

    ORANJESTAD  - E seleccion campeon di Pony League U8 a bolbe Aruba diamars. Ta trata di back to back victories pa e seleccion di Pony U8 Pinto cu pa di dos aña ta coy campeon consecutivo na Vernon, Illinois, Merca. Nos muchanan a sa na gana tur nan weganan y a termina campeon invicto. Solamente den e champ of the champ nan a perde bataya contra U9. Awe bou aplauso y grito nos muchanan a ser recibi den e VIP room di airport. Nan a wordo ricibi pa un water canon salute di bomberonan ora cu nan avion a yega Aruba. Pabien na henter e delegacion di Aruba y nos muchanan.

  • Delegacion di Tang Soo Do ta bolbe Aruba cu 36 medaya awe!

    Delegacion di Tang Soo Do ta bolbe Aruba cu 36 medaya awe!

    ORANJESTAD – Un delegacion di deportista di Aruba den e deporte di Tang Soo Do, ta bolbe di Panama awe, cu hopi premio. Asina NoticiaCla.com a keda informa. Esaki ta e resultado. Nan a gana un total di 36 medaya di cual 21 tabata oro. 

  • Xander Bogaerts y ATA ta ofrece fanaticonan pa gana trip pa Aruba

    Xander Bogaerts y ATA ta ofrece fanaticonan pa gana trip pa Aruba

    BOSTON – Entrante awe, fanaticonan di e pelotero professional di Boston Red Sox, e Arubiano Xander Bogaerts por gana un biahe pa Aruba. Un video cu a cuminsa circula awe y a bay viral rapidamente, ta mustra con e pelotero local a duna un grupo di fanatico di Boston e sorpresa di nan bida, ora cu el a bay ‘undercover’ hunto cu nan riba un Xander Bogaerts tour riba Aruba. E tour ta hiba e fanaticonan na varios lugar favorito di Xander, incluyendo e tereno unda cu el a hunga little league tempo cu e tabata chikito. Aki na e tereno, hunto cu ruman Jair,  nan ta hunga weganan di Xander y finalmente ta wak e personahe cu Xander (un supuesto primo di dje) ta personifica, bati bala. Eynan e ta revela cu ta e mes ta Xander, cu ta alegra tur esnan den e tour.

  • Dos futbolista professional di vacacion na Aruba despues di Copa America

    Dos futbolista professional di vacacion na Aruba despues di Copa America

    ORANJESTAD – Aruba a haya bishita di por lo menos 2 futbolista professional, y loke ta hacie interesante ta cu ambos a caba hunga den Copa America na Brazil. Ta trata di e Colombiano Davison Sánchez Mina, cu ta hunga normalmente pa Tottenham Hotspur na Inglatera, y pa su ekipo Colombiano, y Lautaro Martínez di Argentina Milan Italia pa Internaczionale, y pa su pais Argentina. Sánchez a bandona Aruba caba y Martínez a yega e weekend aki. Ambos a goza hopi y a post nan potretnan riba nan cuenta di Instagram. Mester bisa cu ambos tin hopi siguidornan pues nan ta haciendo bon propaganda di paisahe di Aruba. 

  • Merca ta titula Campeon Copa Mundial Futbol Damas 2019

    Merca ta titula Campeon Copa Mundial Futbol Damas 2019

    LYON – E ekipo nacional di futbol Mericano Damas pa di 4 biaha a titula Campeon Copa Mundial di futbol di damas diadomingo na Francia, ganando di e ekipo Hulandes 2-0. E tabata un wega interesante unda cu e arkero di Hulanda Sari van Veenendaal a resalta pa e ekipo Hulandes, scapando e ekipo di multiple atake. Na final, van Veenendal a haya e titulo di arkero di e Copa. Pa loke ta Merca, su capitan Megan Rapinoe a bira e goleador di e Copa. 

  • Powered by SETAR