Protesta contra 'mal maneho' di minister Rudy Lampe

ORANJESTAD - Un grupo di entre 80 pa 100 docente, a marcha bay di Beatrix School pa Parlamento y despues Bestuurskantoor pa protesta e maneho di minister Rudy Lampe y tambe e mal trato cu nan ta hayando, segun e grupo. A pidi pa sigura cu a pone un paro riba e cambionan impone y cu tabata di wordo implementa. Tanto vice presidente di Parlamento Alan Howell como vice Premier Otmar Oduber a ricibi nan respectivo manifiesto cu e preocupacionan. A sigura e mandatarionan cu si hera kere cu den temporada di vacantie, por implementa cosnan manera sa ta custumber, na comienso di aña escolar, nan ta para bek na porta di e gobernantenan. Howell a priminti cu dentro di un siman lo e grupo haya un contesta, mientras cu Oduber a priminti cu pa diamars awor e asunto lo keda trata den gobierno.