OM ta desmenti cu polis lo a horta baranan di oro

ORANJESTAD – Den un comunicado, ministerio publico a reacciona riba informacionan cu a keda suministra den dia, indicando cu ‘polis lo a horta un of mas bara di oro den e asina yama caso di oro’. Segun e comunicado, Ministerio Publico a tuma nota awe di e hecho cu den un programa di noticia na Canal 90 a bisa cu polis lo a horta un of mas bara di oro den e asina yama caso di oro. Ministerio Publico ta haya importante pa informa cu e ponencianan aki ta absolutamente falso y cu ta calumnia Polis na un forma completamente incorecto.  Polis no tin acceso tampoco na e baranan di oro cu a wordo tuma den beslag. E baranan ta warda na un banco desde inicio di e investigacion.