Corte na Hulanda a trata caso awe di homber cu a comete atentado riba tram

UTRECHT – Awe Corte na Hulanda a trata e caso di e homber cu a comete un atentado terorista den un tram na Utrecht na maart di e aña aki. Ta trata di e sospechoso Gökmen T. Durante e atentado un dama di 19 aña a perde su bida. Y e intercambio di palabra di famia di e fayecido tabata fuerte. Mas ainda ora cu e actitud di e sospechoso tabata tur menos receptivo. E no tabata kier ta presente pero corte a obligue pa ta presente. “Mi no ta democrat. Mi no conoce boso leynan y regla. Mi no ta reconoce e corte aki” Gökmen a bisa. E no tabata kier abogado tampoco, y no por a compronde e comocion pakico tabata sigui puntra pa esey. Segun e huez, ta pasobra ta trata di acusacionan serio y cu e sospechoso mester ta conciente di e condicionan e ora. “Nan no ta sospecho. Ata mi a confesa caba?”. Mas cu esey e no a bisa, fuera di bay riba un grito religioso di con musulmannan na mundo ta wordo tira mata pa militarnan Hulandes. “Boso a echt kere cu nos lo no a haci nada bek?”. E sospechoso tabata rondona continuamente pa 3 agente policial y tabata den boei na man y pia.