Trahadonan di Serlimar a protesta awe mainta

SAN NICOLAS – Trahadornan di e compania Serlimar Sui Generis a bay den accion dialuna mainta un rato pa demonstra nan malcontento pa asuntonan laboral. Presidente di e sindicato cu ta representa e trahadonan, esta Diego de Cuba di STA, a bisa cu tin por lo menos 4 punto di orden pa cual a dicidi di protesta, y cera e portanan di e lugar (na San Nicolas) na candal pa niun vehiculo por a sali. Despues di un rato, trahadonan a reanuda trabou, pendiente e desaroyo y contesta di e gerencia. No ta descarta intensificacion di accion si no yega na solucion. 

PROBLEMANAN

Entre e problemanan, tabatin e.o. na garashi, unda cu tin hopi falta di pieza pa cual no por funciona bon, containernan nobo (baki di sushi) cu no a yega ainda, causando problema pa por competi cu e competencia, bevorderingen cu ta pega y un trahado cu lo ta insultando coleganan sin cu algo ta wordo haci. Esakinan tabata puntonan suficiente segun De Cuba cu a pone e trahadonan protesta awe mainta.