Aruba y Corsou no ta impresiona cu proposicion di Knops pa geschillenregeling

DEN HAAG – Tanto e delegacion di Aruba como Corsou no ta impresiona cu e posicion di secretario di estado Hulandes Raymond Knops riba e asunto di geschillenregeling. Asina e portal Daily Herald ta raporta. E siman aki e delegacionan di e dos islanan y Hulanda ta trata e tema aki. Durante e siman cu a pasa,  expertonan riba e tereno manera Ernst HirshBallin y Gert Oostindie a sostene e puntonan di e dos islanan, indicando cu e leym, manera sugeri pa gobierno Hulandes, no ta tene cuenta cu e acuerdo cu e cuater gobiernonan di Reino a acorda den pasado.  “Naturalmente Knops tin derecho pa defende su proposicion, pero realidad ta cu e no ta cumpli cu e deseo di e 4 parlamentonan”, presidente di parlamento di Aruba Ady Thijsen a biusa. Corsou su presidente di Parlamento William Millerson ta di acuerdo.  Segun Williamson, e punto mester cumpli cu e deseonan, cu ta encera cu e regulacion di disputa mester tin un curpa independiente pa actua como huez y dicta decisionan definitive legal. Diamars awor e reunion ey lo tuma lugar na Hulanda unda cu e delegacionan di tanto Aruba y Corsou lo ta presente.