Albertus (Simar): Gobierno a para cambionan anuncia pa Trai Merdia

ORANJESTAD – Despues di algun dia/siman di turbulencia den enseñansa, unda cu varios grupo di maestro y trahado a protesta pa varios dia cerca e.o. gobierno, conseho di minister diabierna a dicidi pa hala e decision di trece cambio ‘controversial’ na e seccion di Trai Merdia (unda cu ta ricibi alumnonan despues di scol. Asina e presidente di SIMAR Josefina Albertus a confirma diabierna. El a haya siguransa di prome minister Evelyn Wever, cu e cambionan cu e minister di enseñansa Rudy Lampe kier a haci den Trai Merdia, a dicidi cu no ta sigui. Albertus ta considera esaki como un logro grandi pa e maestronan. Ademas, e situacion di e sistema di scol SPO tambe a keda para, pues no tin cambio eynan por lo pronto di un fusion, cu tambe ta trece trankilidad cerca esnan di e scolnan ey. 

LAMPE

Segun Albertus, e mandatario di enseñansa kier a impone cambionan den varios departamento di enseñansa, sin participacion di e participantenan di Trai Merdia. E mandatario lo kier impone su cosnan cu no por segun Albertus.  “E minister no sa con pa trece cambio” Albertus a declara. Tin informacion cu gobierno lo a cambia cierto partinan cu ta cay bou di e maneho di e minister di enseñansa, y ta pone bou di encargo di otro minister. NoticiaCla no por a confirma e ultimo parti aki si.