Noticia di Venezolanonan den frigidaire bayendo Corsou, ta falso

CARACAS / MIAMI – E noticia cu algun Venezolano tabata purba huy di Venezuela pa Corsou den un frigidaire, ta falso. Asina e portal Maritime Herald ta bisa diabierna. E portret a aparece riba un cuenta twitter cu mesora a bay viral, di dos ciudadano landando y wanta den e Frigidaire. Den e texto, tabata poni cu esaki ta un rescate di Venezolanonan cu tabata biahando den e Frigidaire entre Venezuela y Corsou. Pero, nan no ta migrante, sino piscadornan di cual nan boto a bolter. Y nan no tabata den awa internacional sino entre  Higuerote, estado Miranda y La Tortuga, un isla Venezolano. Den e video bo ta tende un homber papia tambe, confirmando esey. E video a wordo comparti pa mas di 2000 hende den 2 dia. Despues e homber cu a post e, a admiti cu e tabata falso. 

IPKO

Interesante ta cu awe mainta durante e conferencia di prensa di e delegacionan di e reunion Inter Parlamentario di Reino (IPKO), e lider di delegacion Hulandes a te hasta menciona e noticia aki, como ehemple di e situacion alarmante na Venezuela, sin sa cu e noticia aki tabata uno falso.