Trahadonan di SPO a protesta awe mainta

ORANJESTAD – Trahadonan di SPO a bin dilanti Bestuurskantoor pa busca un contesta di minister presidente Evelyn Wever Croes riba e ‘fusion’ cu mester bin. E grupo di trahado a bin cu presidente di sindicato SEPPA Magaly Brito, y presidente di sindicato SIMAR Sra Josephine Albertus y a compronde cu nan lo a topa sinembargo cu minister di Enseñansa Rudy Lampe. Segun Albertus, nan kier participacion den e cambionan aki, cu ta algo cu nan no ta hayando. Awe mainta nan a bin compronde cu e motibo cu minister Lampe ta bin topa nan, ta pasobra e tin un contesta pa e grupo aki. 

PROBLEMA

Manera ta conoci, pa algun dia caba tin problema serio den enseñansa, entre nan problema na SPO unda cu e mandatario kier uni dos grupo di SPO den un solo edificio. Algo cu e trahadonan no kier. Como tal nan kier tende y tin input riba e situacion aki prome cu e decision final cay. E mandatario ta insisti cu e solucion cu e la presenta, ta esun miho, pero e trahadonan di SPO tin otro pensamento. Noticia den proceso. Keda pendiente pa mas informacion.