Minister a ordo ekipo di radar pa Cuerpo Policial di Aruba

ORANJESTAD – For di oficina di minister Andin Bikker, a compronde cu e mandatario, despues di a wordo apodera pa Conseho di Minister y observa e ultimo formalidadnan necesario,   a firma e documentacionan rekeri pa ordo e ekiponan di radar pa Cuerpo Policial. Asina su oficina a bisa pa medio di un comunicado breve. E comunicado ta sigura cu den transcurso di otro siman e ekiponan lo ta riba barco pa cuminsa e biahe pa Aruba y ta ser calcula cu den apenas un par di siman nan lo yega Aruba. E no ta specifica si ki tipo di radar, ni cuando esaki lo costa, ni unda lo ubica esaki. Ta premira cu despues lo por haya e detayes den un proximo encuentro cu e mandatario. Segun Bikker, “ pronto Cuerpo Policial di Aruba lo conta cu su propio radar y asina lo sigui optimalisa e cuido di nos fronteranan den cooperacion cu otro instancianan”.