Prome debate pa eleccion presidencial Mericano pa 2020 ta awe

NEW YORK – Awe nochi tin e prome di 2 debate di candidatonan democrata pa eleccion presidencial Mericano. E prome 10 candidatonan lo topa otro riba e cadena di television NBC, MSNBC y TeleMundo. E debate lo tuma lugar pa 9’or di anochi ora di Aruba, y lo tin un duracion di 2 ora. Mirando e cantidad grandi di candidato, a opta pa parti esaki den dos anochi. E di dos anochi (diahuebs) lo trata e otro candidatonan pa e mesun ora. Lo tin 5 moderador, tur di e cadenanan di television menciona. E candidatonan cu lo ta presente awe nochi ta Bill De Blasio, Tim Ryan, Julian Castro, Cory Booker, Elizabeth Warren, Beto O'Rourke, Amy Klobuchar, Tulsi Gabbard, Jay Inslee, John Delaney.