Fiscal ta hinca man den candela pa miembro di Landsrecherche

ORANJESTAD – ‘Mi ta hinca mi man den candela pa rechercheurnan T. y M.’ ( NoticiaCla a usa inicial aki pa proteha nan nomber).  Asina e fiscal di Ministerio publico G. a declara e siman aki durante e caso Kini Kini 1, tratando e asunto di porfofoon ‘perdi’ y periodistanan y un polis envolvi den e caso. Durante tratamento di e caso e siman aki, un di e dos fiscalnan presente, a hacie un punto di pone ‘the record straight’, pa loke ta credibilidad di e departamento ey. Motibo ta e declaracionan di tanto periodista Andrade y Espinoza durante curso di nan detencion y interogacion y loke a sosode durante un lectura internacional di SIP/IAPA. Segun e fiscal, e ta haya e actuacion di e periodista(nan) un berguensa.

ANDRADE

E fiscal a cuminsa na referi na e declaracion di Andrade despues cu esaki a sali for di su detencion, unda cu Andrade a menasa di haci algun declaracion y a haci mencion di nomber di e recherché nan. Durante un entrevista, Andrade a haci algun declaracion publico cu e fiscal ta considera como ‘menasa absurdo’. ‘ Mi ta hinca mi man den candela pa nan’ e fiscal a bisa. Pa loke ta e acusacion di Espinoza, cu lo a menasa di deporta su mama y of detene henter su famia, tambe a cay den mal tera. “Niun hende ta bay deporta nan” e fiscal a sigura tur den e sala di corte. 

DECLARACION INTERNACIONAL

E fiscal a tuma e dos periodistanan na malo tambe cu e declaracionan haci internacionalmente, tratando di no solamente daña nomber di OM pero tambe di Aruba. Cu e declaracionan aki segun e fiscal, nan dos a purba di cambia e opinion cu e instancia aki tin di Aruba. Ademas, a lesa e declaracionan textualmente di e agencia di prensa internacional, IAPA/SIP, y a contraaresta tur e puntonan aki. Segun e fiscal, Espinoza a gaña riba nan, door di bisa cosnan cu no tabata cuadra. Cada un di e puntonan, e fiscal tabata caba cu e palabra, ‘otro mentira’. E fiscal tabata notablemente rabia durante e parti aki di e caso y c