C3 ganado di International Critical Communications Award 2019

(ADVERTORIAL)

WILLEMSTAD – Diamars 18 di Juni, C3 (Critical Communication Caribbean) a keda selecciona como ganado di International Critical Communications Award 2019 den e categoria "‘Outstanding Example of After-Sales Support’". C3 a ricibi e prestigioso premio pa su trabou importante durante y despues di e horcan Irma y Maria cu a pasa riba e isla di St. Maarten, pa cual tambe el a wordo nomina den e categoria ‘Best Use of Mission-Critical Communications During a Major Event’.  Bert Schreuders, director di C3, a ricibi e premio durante e ceremonia na Kuala Lumpur, Malasia. Señor Schreuders ta dedica e premio na e team di C3 St. Maarten, y ta afirma cu "ricibi e reconocemento internacional pa e logro aki ta un gran honor. Tambe mi kier reconoce Rohill, e proveedo di nos red robusto Tetra pa haci esaki posibel".

Dicon C3 a ricibi e premio aki?

Dia 6 di Sepetmber 2017, e islanan St. Maarten, St. Eustatius y Saba a wordo destrosa pa Irma, un horcan di categoria 5 cu biento di 182 mph. Dos siman despues, e islanan a bolbe wordo sorpresa pa un di dos horcan di categoria 5, cu carga e nomber Maria. 

E comunicacion esencial na e isla a wordo interumpi pa motibo cu no tabata tin coriente, generator cu no facilmente por a yena y bateria di reserva cu a baha. E destruccion y chaos a shock henter e comunidad, loke a haci dificil pa autoridadnan mantene e seguridad y orden publico. Tres ora despues di Irma (asina cu gobierno a duna autorisacion), C3 a tuma medidanan, y despues di hopi trabou, a bolbe activa -cu exito- e servicionan di emergencia pa por a comunica sin interupcion. Esaki a yuda e unidadnan pa coordina e accionan, enfrenta e situacionnan urgente, mantene ley y orden publico den situacion di trauma, vandalismo y asta rescata bidanan. Segun e huradonan, “C3 a demostra di tin e habilidad y conocemento critico pa deal cu calamidadnan grandi manera horcannan di categoria 5".

Tocante International Critical Communications Awards 2019

Organisa door di MA Exhibitions, den asociacion cu The Critical Communications Association (TCCA), e ICCA ta considera como e reconocemento mas priviligia den e sector di comunicacion critico. Celebrando innovacion, excelencia y aplicacion di comunicaion critiko, International Critical Communications Awards ta duna reconocemento na producto, organisacion y individuonan cu a pusha y surpasa e limite di capacidad technologico. 

Tocante C3

C3 (den pasado conoci como Zenitel) ta activo den comunicacion critico pa 80 aña caba. For di 2005, e ta facilita e red di TETRA (Terrestial Trunked Radio) pa cuerpo policial, bombero, ambulance, refineria, prizon, aeropuerto, haf y otro organisacion nan cu mester por comunica den cualkier circumstancia, na momento cu e red normal di telefon cai afo. C3 tin establecimento na Korsou, Aruba y St. Maarten y ta representante di e marcanan mundial manera Motorola, Sepura, Hytera, Iridium. Na C3 tur cos ta draai rond di innovacion, renobacion y mehoracion. Tambe ta uza e ultimo technologia nan. E resultado ta un comunicacion confiabel, tur caminda y den cualkier situacion. Mas informacion tocante e organisacion por bishita www.c3.cw