Operacion di vehiculonan ATV y UTV por conoce cambio na Aruba

ORANJESTAD – E operadornan di e vehiculonan special conoci como UTV y tambe ATV’s lo por conoce cambio dentro di poco. Esey por deduci despues cu dos minister di gabinete Wever, esta Oduber (infrastructura y medio ambiente) y Romero (Transporte) a bin cu dos diferente comunicado riba e tema dialuna. Manera ta conoci, ultimo tempo e vehiculonan aki ta hopi den noticia negativo, relaciona no solamente cu accidente cu turistanan ta ocasiona, sino e comportacion cu e vehiculonan aki, cu ta afectando cierto parti di naturalesa di nos isla.

GOBIERNO 

Segun e mandatarionan, despues cu tabatin basta noticia, nan ta sondeando tur posibilidad pa por bin cu cierto cambionan y regulacionnan den ley cu lo sirbi como herment pa tanto e autoridadnan competente y e companianan cu ta brinda e servicion aki, evita mas posibel pa destruccionan na nos naturalesa di e indole aki sigui tuma lugar. “Nos ta biba den un pais cu ta depende di turismo como prome pilar economico.

PRODUCTO ARUBA

Nos mester por mantene producto Aruba atractivo pa nos bishitantenan, pero esaki no por lubida cu nos mester proteha nos medio ambiente pasobra nos mesun turistanan ta gosa di esaki tambe”, Romero a bisa.Pa conclui Minister Oduber a enfatisa cu e intencion no ta pa perhudica operacion di vehiculonan aki, ta reconoce cu nan ta parti di e industria turistico, di e experiencia y tambe parti di e producto cu ta ofrece. Pero consciente  si cu mester percura semper cu esaki por tuma luga respetando nos naturalesa, seguridad den trafico, respetando salud y calidad di bida habitantenan, cualnan ta forma parti di e maneho di Gobierno pa percura pa ser humano ta central.