Aruba, Corsou y St Maarten riba un liña pa geschillenregeling

DEN HAAG – Un dia prome cu reunionan di IPKO (Inter Parlementaire Koninkrijk Overleg) cuminsa na Hulanda diamars, delegacionan di Aruba y Corsou a reuni den un reunion bipartit, pa asina sigura cu nan ta riba e mesun liña pa por atende cu e otro partido, cu ta Hulanda. Manera ta conoci St Maarten no ta presente debi cu nan tin retonan na cas pa loke ta nan presupuesto. 

GESCHILLENREGELING 

Durante e reunion aki a trata amplio e topico di e propuesta di "Rijkswet Koninkrijksgeschillen". Ambos partido, incluyendo St. Maarten (aunke nan no tabata presente), ta di acuerdo cu e propuesta no ta cumpli cu e condicionnan di e mocion van Laar, cu a wordo palabra y formalisa den Tweede Kamer na 2016. E 3 condicionan ta cu mester trata di un organo indiprndiente cu ta duna conseho "bindend" riba disputanan huridico.

DRAAGVLAK

E delegacionnan ta di acuerdo cu e propuesta den su forma actual no tin suficiente "draagvlak". E delegacion di Aruba lo entrega un amienda durante tratamento di e propuesta aki pa drecha e partinan cu no ta duna contenido na articulo 12a di Statuut.

AMIENDA

E delegacion di Corsow no lo entrega ningun amienda pero si ta sostene Aruba pa cu e trayecto aki pa cambia e propuesta actual.