Corte di apelacion a aumenta castigo pa asesino di caso de Vuyst

ORANJESTAD – Corte di apelacion a aumenta e castigo pa e homber Chalgut cu 2 aña den e caso di asesinato di De Vuyst, dialuna atardi. Manera ta conoci, den corte di prome instancia a sentencia Chalgut na 20 aña di prison, mientras cu a pidi bida largo p’e. Awor OM a pidi 28 aña di prison, mientras cu Chalgut a informa cu e ta conforme cu e 20 añanan. No ta conoci si OM lo apela e sentencia aki awor. E famia di e dama victima Sarahi Sierra tabata den corte pa tende e sentencia.  E caso ta relata e dama cu a wordo haya morto den su cas, di un forma cruel. Mientras cu durante e prome caso, Chalgut a desmenti su participacion, den e apelacion el a admiti cu e tabata esun cu a mata Sierra.