Minister a sigura cu prijs di pan no ta subi pa 1 di juli awor

ORANJESTAD – Prijs di pan no ta aumenta dia 1 di juli proximo. Asina minister di Economia Xiomara Maduro a bisa durante un conferencia di prensa. E mandatario asina ta refuta un noticia den un otro portal di noticia, cu a informa cu esey tabata e intencion, esta di cu e prijs di pan lo aumenta. Loke si ta e caso, ta cu e mandatario a informa cu tin un peticion pa ahusta e tarifa di pan, y den esaki baha e prijs di pan bruin, y haciele parti tambe bou di control di prijs di gobierno. Ta trata di un proposicion cu a haci y cu e mandatario a tende di e dos panaderianan mas grandi na Aruba. A pidi pa keda pendiente pa un decision finalmente.