- Conocido presentadora di programa Sinterklaas Journaal mester laga amputa su nanishi
- Cantidad di hende condecora na Corsou ta hopi menos cu Aruba e aña aki
- Presentacion ‘Bulletproof Sleep’ riba Syndroom di Apneu, na Biblioteca Nacional Aruba
- Aruba ta co-anfitrion di Torneo futbol Damas U15 Concacaf cu Trinidad y Costa Rica
- Doño di cacho abusa ‘Khaleesi’ ta dilanti huez fin di mei
Tjin Asjoe: Aruba ta mercadia como un isla pafo di faha di horcan
ORANJESTAD – Aruba ta pafo di e faha di horcan. Asina Aruba Tourism Authority ta mercadia Aruba, segun su CEO Ronella Tjin Asjoe-Croes. Tjin Asjoe tabata invitado den e programa popular riba Facebook, NoticiaCla LIVE unda e pregunta riba seguridad den Caribe a bin dilanti. Entre e puntonan di seguridad, tin esun di tempo, unda cu Tjin Asjoe a mustra cu a aumenta e mercadeo riba medionan televisivo enfoca mas riba tempo, prome cu e temporada di horcan.
VISIBLE
Segun e CEO, e tactica aki ta percura cu hopi mas hende ta wak e ora. Ta promove Aruba siendo un isla safe, pafor di e faha di horcan, sino cu tin cu menciona e palabra horcan den e promocion. “Pasobra hendenan ta bay cuminsa papia di horcan, y pasobra tin hende cu den nan mente ta corda riba Caribe, horcan den 2017 y Aruba no tabatin esey” Tjin Asjoe a bisa, refiriendo cu Aruba no tabatin horcan. “Nos mensahenan tabata, year round, sunny weather” Tjin Asjoe a bisa. E ta un ahustacion cu nan a haci pa logra e meta ey.
MITO
Tjin Asjoe a sigura cu ta un hecho cu Aruba ta pafo di e faha di horcan, y si uno bin, ta forse majeur, pero cu Aruba ta conoci pa ta pafo di e faha pues no mester tin problema pa propaganda Aruba como tal. Den pasado recien, tabatin e discussion si Aruba ta den e faha di horcan of no, y con esaki por afecta nos isla. Pues awor ta conoci cu turisticamente mira, Aruba ta propaganda como un isla safe, durante temporada di horcan.
Presentacion ‘Bulletproof Sleep’ riba Syndroom di Apneu, na Biblioteca Nacional Aruba
Un total di 18 ciudadano di Aruba ta haya Condecoracion Real
ORANJESTAD - Diabierna 26 di april 2024 pa 7’or di mainta (ora local) a publica e edicion special di Staatscourant incluyendo un lista di e personanan na kende a otorga un Condecoracion Real e aña aki. Tradicionalmente e momento festivo aki, tambe conoci como Ocasion General, ta relaciona cu e cumpleaño di Su Mahestad, Rey Willem-Alexander, cu ta e Granmaestro di e condecoracionnan. Por otorga un condecoracion na personanan cu a duna un contribucion special na e sociedad.
HOH: Ocupacion di cama poco poco ta bek na normalidad na hospital
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
Stampiaaruba cu exposion di stampia na Aruba pa celebra 17 aniversario
Oficina principal di DIMP ta cera awe diaranson pa mantencion
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
Den cuadro di reposicionamento, FPNA ta cambia su nomber pa Aruba Conservation Foundation
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.
Follow NoticiaCla
