Lila Henriquez: Un uitspraak devastador pa nos famia

DEN HAAG – “Un uitspraak sumamente devastador pa nos famia” Asina ruman muher di Mitch Henriquez, esta Lila Henriquez a reacciona diaranson mainta pa NoticiaCla riba e sentencia den Corte di apelacion. Manera cu e portal aki a raporta caba awe mainta tempran, hueznan a absolve un di e polisnan envolvi y a duna e otro 6 luna di castigo di prison condicional. Un sentencia pues cu no a cay bon den seno di famia Henriquez. 

FORZA Y INFLUENCIA DI PODER

Segun Henriquez, un biaha mas e famia ta sigui sinti e forsa y influencia di poder di un sistema cu den nan wowo ta promove injusticia y inigualdad den Reino Hulandes. “ Un mensaje cu den nos wowo ta bon cla. Unda cu Polis ta ariba ley, huez ta haya bo culpabel pero no ta duna un castigo justo pa cu esaki. Unda nan ta haya cu hasta por sigui eherce nan trabou” e ruman a sigui bisa. “ Esaki ta un ehempel bon cla di inhusticia” . Asina e famia por sigui menciona un lista largo na loke nan ta expercia como inhusticia na man di e ‘recht sisteem’ den Reino. ”Un día hopi tristo pa nos famia y pa tur esnan cu a experiencia y ta sigui experiencia inhusticia y e influencia di poder cu esaki tin”. Nan a haci un peticion na comunidad di Aruba. “ Nos como famia ta sigui pidi comunidad di Aruba como tambe e comunidad den Reino pa tene nos famia den nan oración nan pa sigui duna nos forsa pa nos sigui cu e lucha contra inhusticia”.

PETICION PA GOBIERNO

Na gobierno nan tabatin un peticion special. “ Nos kier pidi tambe pa Gobierno di Aruba sigui sostene nos den e lucha aki tanto, está den para nos tras moralmente contra e inhusticia aki. Duna nan voz encuanto esaki pero tambe sostene nos financieramente pa nos por sigui lucha contra e inhusticia aki, cual caso ta hopi costoso pa famia”. Henriquez ta enfoca mas specifico cu e famia kier pidi Gobierno di Aruba pa nan laga scucha for di nan voz kico e inhusticia aki ta nifica pa nan? “ Nos kier scucha nan opinion. Con nan como gobierno kier sostene famia di un ciudadano cu a haya su morto den exterior na man di polis. Con nan ta pak aan esaki riba nivel di Reino. Nan ta haci pregunta nan na Minister nan Hulandes encuanto e caso y inhusticia y con esaki por? Famia eigenlijk kier pidi nan ayudo  financiero tambe”. Segun Henriquez, ta sumamente difícil pa un mama penshonado paga gastonan masha costoso pa cu e caso. “ Nos kier sa eigenlijk kico nan por sostene nos cu ne tanto moral y financiero  Na final nos kier bisa cu nos ta tuma nota si cu huez a bisa cu nan tin culpa prueba den e ‘nalatigheid’ y nos ta spera cu OM bai vervolg esaki” Henriquez a finalisa bisando NoticiaCla. 

Potret ta saca na salida di corte ora cu prensa Hulandes ta papia cu mama di defunto Mitch Henriquez. Potret ta cortesia di Otti Thomas/Amigoe