Gobierno evaluando paso pa controla vehiculonan UTV

ORANJESTAD – Gobierno ta evaluando pa tuma paso contra e asunto di vehiculonan special tipo UTV. Esaki despues cu e fin di siman aki un biaha mas a surgi un situacion unda cu algun di e UTV (utility task vehicle) a wordo ‘malusa’ y poni den laman, cu tur e consecuencia cu esaki por tin tanto pa e vehiculo como e naturalesa. Asina minister di transporte Chris Romero a bisa dialuna mainta durante un conferencia di prensa. NO a determina ainda kico exactamente lo haci, pero ta evaluando. Entre posibilidadnan, ta pa obliga companianan cu ta huur e vehiculonan aki, pa pone un GPS riba nan. 

GPS

Segun Romero, ora cu pone GPS riba e vehiculonan aki, ta e controla e ruta miho, den sentido cu ta programa esaki di tal manera cu ora cu e vehiculo desvia di e ruta, e motor di e vehiculo aki por paga. E ta bira un tipo di ‘restricted drive zone’, manera cu tin aworaki pa cierto drone. Cierto drones, ta bin ekipa cu un GPS cu ta marca cierto zonanan (aeropuerto p.e) automaticamente, y cu ta paga e drone ora cu e drenta e zona ey. Of ora cu e kier subi e drone for di e zona ey, e no ta laga e drone sende. Algo asina mester pensa cu e mandatario kier men. Potret ta tuma di Facebook.