Entrenamento uni di varios entidad tumando lugar na Aruba

ORANJESTAD – Di dialuna pa diahuebs tin entrenamento conhunto tumando lugar na Aruba entre Korps Mariniers, Korps Politie Aruba, Korrektie Instituut Aruba, Cuerpo Especial Arubano y Justitie K9-unit. Aki esnan di Mariniers, Mobiele Eenheid y Justitie Interne Bijstandsteam y Justitie K9-unit pa medio di scenario-trainingen, actuacion multi-disciplinario, cu ta varia di control di disturbio riba tereno publico, actuacion dentro di e prison, actuacion cu cachonan di surveillance, derumbe di baricada y mucho mas, ta tuma lugar.

Despues di e parti teoretico, cu a tuma lugar dialuna, a cuminsa e parti practico riba diamars y otro dianan riba diferente localidad. E entrenamento ta termina diahuebs cu un entrenamento comun riba e tereno deportivo na Pos Chikito. Potretnan ta cortesia di e team di entrenamento.