Persona a guli awa y fayece na Dos Playa

Posted on 06/15/2019 11:42 pm AST | Updated on 06/15/2019 11:44 pm AST

ORANJESTAD - Diasabra pasa di 6:30 atardi autoridad a keda informa di caso di persona cu a guli basta awa den lama na Dos Playa y a keda saca di biaha pa personanan cu tabata eynan. A cuminsa cu reanimacion mientras cu autoridad tabata na caminda. Helicopter di polis a lanta y a busca personal di ambulance na Sta Cruz y bay cu nan pa e sitio, esta Dos Playa. Mucho no por a haci e situacion ya tabata malo di e persona debi cu a guli basta awa y a fayece. A notifica dokter cu a presenta na post di brandweer Tanki Flip. Na e sitio Dos Playa alto comisario tambe tabata presente pa e ta na altura di e situacion.

  • Atraco arma riba Joyeria Little Europe

    Atraco arma riba Joyeria Little Europe

    ORANJESTAD - Awe diahuebs mainta pa mas o menos 11:30 central di polis polis ta wordo notifica cu un atraco a tuma lugar na e joyeria Little Europe. Dos hende homber cu cada un cu un arma candela a drenta e luga y a bay cu un cantidad di joyias. Tur dos a papia spaño. Nan no ta tin cara tapa. Na a huy den un toyota yaris shinshi . Un rato despues patruya di polis haya e auto toyota yaris na altura di aruba juniors. 

  • Preso Dominicano a huy for di GNC na Dakota

    Preso Dominicano a huy for di GNC na Dakota

    ORANJESTAD - Diaranson den eoranan di atardi personal femenino di GNC a bay atende cu un homber ilegal Dominicano, Guillen Vicente Jose Miguel, unda diaranson mainta el a haya su sentencia cu e no por keda Aruba mas. El a keda gara pa personal di GNC durante un control y e tabata tin 7 aña ilegal riba nos isla. Ora e personal di GNC a bay atende cu e homber pa habri e porta, e homber a pusha e porta di golpi dal e personal herid’e y asina logra huy. Debi cu e personal di GNC no tabata tin telefoon di trabou, a haci uzo di celular personal, pa nan a bati alarma na autoridad.

  • Warda costa a intercepta remolcador cu 2.200 kilo di cocaina

    Warda costa a intercepta remolcador cu 2.200 kilo di cocaina

    ORANJESTAD.- Warda costa a intercepta un remolcador cu 2.200 kilo di cocaina abordo dialuna marduga. Asina e vocero di Warda Costa Shalick Clement a confirma dialuna atardi pa Noticiacla.com. E remolcador 'Gracia' bou bandera di Samoa, tabatin 5 persona Venezolano abordo, a wordo acompaña pa waf na Playa pa mas investigacion. Cooperacion entre Warda Costa, Arumil, douane, polis K9, dept crimen organiza tur a yuda cu a logra gara e cantidad di droga aki. Despues a hiba e remolcador pa Marinierskazerne na Savaneta pa mas investigacion. Tur cinco persona a keda deteni y entrega na KPA. 

  • Dos auto a accidenta na crusada Caya Musica

    Dos auto a accidenta na crusada Caya Musica

    ORANJESTAD - Na e crusada di Caya Musica y Danza dialuna atardi a sosode un accidente entre dos auto pa falta di preferencia. Tanto e chauffeur den e van y e SUV a keda levemente herida y a keda atendi pa personal di ambulance. Polis di trafico y roadservice tabata na e sitio pa atende cu e accidente.

  • Dos herido den accidente na Macuarima

    Dos herido den accidente na Macuarima

    MACUARIMA - Diadomingo atardi net dilanti di Shahai na Macuarima a sosode un accidente entre dos auto. Chauffeur masculino den un ford a dal den un yaris biniendo for di zuid. Ambos auto a keda kibra y dos unidad di ambulance a presenta pa atende cu e victimanan.

  • Entrada hudicial na Weg Seroe Blanco a produci posibel arma di atraco

    Entrada hudicial na Weg Seroe Blanco a produci posibel arma di atraco

    ORANJESTAD - Un rato pasa Atraco Team a hasi un otro entrada hudicial na un cas na Weg Sero Blanco aki a bin confisca un revolver marca Smith & Wesson probablemente usa den e atraconan. Un peticion na e pueblo si bo sa algo of a wak algo jama e tiplijn di polis cu ta 11141. Tur informacion ta importante.

  • Powered by SETAR