Edmard Lampe ta e di 7 morto di trafico

Edmard Lampe ta e di 7 morto di trafico

Posted on 06/15/2019 8:50 am AST | Updated on 06/15/2019 8:55 am AST

SAVANETA - E victima di accidente diasabra marduga a keda identifica. Vocero di polis Lito Laclé a informa cu e nomber di e di 7 morto di trafico ta Edmard J.Q. Lampe, nasi na Aruba 9 juni 1996. Diasabra 15 di juni 2019 pa 03.45 yamada a drenta via Central di Polis cu tin un accident basta grave na altura di La Granja. Na yegada ta bin constata cu den e accident tin un brommer y dos auto envolvi.  Cu maximo urgencia e motorciclista a wordo hiba pa hospitaal. 4.39 am dokter a constata morto di e motorciclista Lampe. Na e sitio chauffer di ambos auto a wordo getest y a resulta positivo pa ta bou influencia di alcohol y ta wordo deteni y hiba warda pendiente di mas investigacion.

 

  • Oficina di Tourism Oriented Policing ta un realidad

    Oficina di Tourism Oriented  Policing ta un realidad

    ORANJESTAD - Diahuebs atardi tabatin inauguracion di e oficina di Tourism Oriented Policing (TOP) di KPA cu ta keda na e di dos piso di Central di Arubus. Un oficina dedica na servicio di e turista cu ta e pilar economico principal di pais Aruba. TOP ta den area di e cruceronan cerca di caminda unda e turistanan ta cana bishita tienda y caya principal. Cu apertura di e oficina kier subraya siguridad di e turistanan cu ta algo primordial y alabes cumpli cu programa di gobernacion segun Minister di Husticia mr. Andin Bikker. Awe net un aña y ocho luna cu a asumi responsabilidad gubernamental y ta haci apertura di e oficina aki. E oficina  ta un iniciativa conhuntamente cu Hotel Security Foundation, AHATA y Cuerpo Policial. Segun Minister Bikker e ta hopi gradici cu Minister di Tursimo Sr. Dangui Oduber pe e cooperacion estrecho  y den futuro cercano ta bay tin mas proyecto conhunto basa riba e cooperacion cu sector priva. TOP ta den cuadro di optimalisa siguridad di henter pueblo y e bishitante. Na final di discurso Minister Bikker a gradici nos Creador pa bendiciona nos isla y un bendicion pa cuerpo policial den nan tarea cu hopi reto pa garantisa e siguridad di e bishitante y e pueblo. Riba combinacion di foto por mira mas di e apertura.  

  • Bomberonan mester a paga candela riba dak di hospital

    Bomberonan mester a paga candela riba dak di hospital

    ORANJESTAD - Bomberonan diahuebs atardi a acudi na hospital pa e parti 'bieu' unda cu parti di e dak a coi candela. E no tabata mucho grandi y rapidamente bomberonan a sa di domina e candela. Segun cuerpo di bombero, tabatin trabou tumando lugar riba e dak ora cu e candela a cuminsa. A manda dos truck di bombero pa combati e candela. 

  • Pickup a bolter dal den cashi coriente na Jaburibari

    Pickup a bolter dal den cashi coriente na Jaburibari

    JABURIBARI - Diahuebs marduga net dilanti parke Jaburibari a keda registra un accidente serio unda pickup a bolter. E chauffeur masculino a keda herida den e pickup y pega. Cu ayudo di personal di brandweer mester a sake for di e auto. Habitantenan a duna di conoce cu e imapcto tabata basta duro cu a lantanan for di soño. A dura basta pa saca e homber debi e tabata mal posiciona. Cu ayudo di brandweer paramediconan a yega na e homber sake y asina keda transporta pa hospital.

  • Dos auto a dal basta duro na crusada Rudolfarendstraat

    Dos auto a dal basta duro na crusada Rudolfarendstraat

    ORANJESTAD - Diahuebs mainta na e crusada Rudolfarendstraat dos auto a dal basta duro pa motibo cu chauffeur di un sportage no a duna preferencia y dal den un chevrolet. Dos persona a keda herida unda ambulancenan a presenta pa atende cu e victimanan. Polis y roadservice tabata na e sitio pa atende cu e accidente.

  • Tres auto envolvi den accidente na Tanki Flip

    Tres auto envolvi den accidente na Tanki Flip

    TANKI FLIP - Yegando rotonde Tanki FLip den oranan di atardi chauffeur di un jeep a dal tras di un pickup y e pickup a dal tras di un lancer. E impacto a laga chauffeur di e pickup herida debi cu su cabes a dal kibra e windshield su tras. Ambulance a acudi na e sitio pa atende cu e homber herida. Polis di trafico tabata presente pa atende cu e accidente.

  • Buskeda pa preso fugitivo peligroso ta continua

    Buskeda pa preso fugitivo peligroso ta continua

    ORANJESTAD – E buskeda pa e preso fugitivo peligroso Erick Arturo Minguel Junior Schneiders (24) a continua diamars mainta tempran cu ayudo di e helicopter. Ayera durante conferencia di prensa di gobierno, minister di husticia Andin Bikker a sigura cu tur cos ta wordo haci pa captura e fugitivo aki y cu pueblo por keda trankil cu tur precaucion ta tumando lugar, mirando cu ta trata di un persona peligroso y cu tabata sinta un castigo pa asesinato caba. 

  • Powered by SETAR