- AZV: Contracto cu dentista Mayra Rosales ta termina
- Pastoral Hubenil Aruba cu Caminda di Luz Hubenil na misa di Dakota
- Gobierno Hulandes a anuncia pasonan conkreto despues di disculpa pasado di sclabitud
- Fin di siman aki gobierno nobo di St Maarten ta huramenta porfin
- Exposicion ‘The trip of my life’ na Bibioteca Nacional di Aruba
Elmar: Contratista a kibra kabel di tension halto, cu a pone coriente bay
ORANJESTAD – Un contratista a kibra kabel di tension halto, cu a pone coriente bay. Asina Elmar a bisa diabierna atardi relaciona cu e coriente cu a bay mainta. Segun Elmar, awemainta 14 di juni alrededor di 10’or tawatin un interupcion den e suministro di electricidad den e area di Oranjestad.
Mesora nos tecniconan a mobilisa pa busca e motibo di e interupcion di coriente. Na altura di Biblioteca Nacional a constata cu un contratista cu ta haci trabaonan di excavacion pa SETAR N.V., a dal y ocasiona daño na un kabel di tension halto di ELMAR.
Tecniconan di Elmar a cuminsa haci e cambio necesario den e red de distribucion di coriente pa asina isola e problema y reestablece e suministro di coriente na e areanan afecta. Rond di 11’or tur cliente den e area afecta a haya coriente bek. Mientrastanto ELMAR lo traha pa reemplaza e kabel cu a sufri daño.
Awemerdia un biaha mas alrededor di 2:30 tawatin un interupcion di coriente den e area di Punta Brabo. Na altura di “Divi Village Golf & Beach Resort” e contratista cu ta trahando riba Watty Vos Boulevard a causa daño na un kabel di tension halto di ELMAR. A hasi cambio necesario den e red di distribucion di coriente y alrededor di 2:50 tur cliente den e area afecta a haya coriente bek. Den e caso aki tambe ELMAR lo traha pa reemplaza e kabel cu a suftri daño. N.V. ELMAR a pidi disculpa na su clientenan pa e inconvenencia cu e interupcionnan aki por a ocasiona.
AZV: Contracto cu dentista Mayra Rosales ta termina
ORANJESTAD - Organo Ehecutivo AZV a informa tur asegurado inscribi cerca dentista Mayra Rosales pa tuma nota cu e contracto entre OE AZV y dentista Mayra Rosales ta finalisa 30 di april 2024. Den caso cu tin un cita despues di 30 di april 2024, lo e asegurado mester tene cuenta cu e cita aki no ta wordo cubri mas door di OE AZV. Ta gradici dentista Rosales pa su añanan di servicio cu el a brinda na e aseguradonan di AZV. Tur clase di exito tambe ta e deseo di OE AZV pa dentista Mayra Rosales cu e continuacion di su practica priva.
Pastoral Hubenil Aruba cu Caminda di Luz Hubenil na misa di Dakota
ORANJESTAD - Tur luna, Pastoral Hubenil Aruba (PHA) ta organisa un evento pa su miembronan y hubentud en general. Pa luna di april, e actividad ta diabierna 26 di april proximo y PHA lo tene un Caminda di Luz Hubenil den misa di Birgen di Fatima na Dakota. Durante e Caminda di Luz of Via Lucis, nos ta recorda e aparicion y momentonan cu a pasa despues di resureccion di Hesus.
Exposicion ‘The trip of my life’ na Bibioteca Nacional di Aruba
ORANJESTAD - Dialuna atardi, dia 15 di april, di 6or pa 8or tabatin apertura di e exposicion di cuadra di Corina Coray, titula ‘The trip of my life’ na Biblioteca Nacional Aruba. A presenta un coleccion di 30 obra di Corina Coray den Sala di Exposicion y esaki ta habri henter siman durante orario regular di biblioteca.
A.T.A. a celebra Earth Day 2024 cu donacion na ‘Ban Lanta y Planta’
ORANJESTAD - Pa conmemora Dia Internacional di Mama Tera 2024, y na un manera diferente, A.T.A. a scoge pa otorga un donacion na organisacion non-profit cu oficialmente a wordo estableci na 2020, esta ‘Ban Lanta y Planta’. Un organisacion cu ta carga e meta pa planta un total di 10.000 mata local pa asina crea, conserva, y restaura un eco-sistema caminda cu flora, fauna, y nos hende local por prospera y co-existi den harmonia.
A.T.A. y Aruba Convention Bureau a contribui na proyecto educacional ‘Edmentum’
ORANJESTAD - A.T.A. y Aruba Convention Bureau (ACB) a forma parti di proyecto Edmentum. Un proyecto cu ta enfoca riba educacion, cu enfasis riba renobacion of construccion di un espacio educativo. Proyecto Edmentum ta diseña pa tin un impacto duradero riba e comunidad local mientras ta ofrece un experencia significante y agradabel pa tur e participante/ voluntario local y internacional.
Horacio Oduber Hospital awo ta trata spatader cu tecnica di laser
ORANJESTAD - Pa prome biaha na Horacio Oduber Hospital (HOH) a trata spatader haciendo uzo di e tecnica di laser. Esaki tabata posibel danki n’e cooperacion entre ciruhano di Aruba, dr. Yuri Casseres como tambe dr. Lowell Kabnick, un ciruhano vascular renombra di Merca. Un tecnologia ya existente algun aña y awo posibel na HOH danki ne tremendo cooperacion y intencion pa sigui inova y eleva calidad di cuido cu e pashent semper den mente.
Follow NoticiaCla
