Aterisahe exitoso di nave riba cometa

DARMSTADT – Un nave europeo no tripula a aterisa riba un cometa diaranson, despues di un biahe di 10 aña den espacio. “Nos a aterisa y e nave a sobrevivi. Nos a yega riba e cometa corecto” e lider di e organisacion espacial europeo ESA Jean-Jacques Dordain durante un conferencia di prensa. E nave a aterisa riba e superficie di e cometa conoci como 67P/Tsjoerjoemov-Gerasimenko. Ora cu e señal a drenta cu tur cos tabata ok, a cuminsa un alegria serca esnan responsabel. Pero despues cos a cambia ora cu no por a confirma cu e nave a lansa dos harpoen, den intento pa ancra su mes riba e superficie. Segun e lider di e proyecto, Stephan Ulamec, no ta conoci kico lo a sosode pero ta spera di tin mas informacion diahuebs mainta.

Awor cu tin un nave ancra riba e cometa, e por sigui e trayectoria di e cometa, y manda informacion bek pa planeta tera. Informacion balioso cu por yuda nos compronde e espacio miho ainda. Loke ta hacie algo interesante ta cu parti di e construccion di e nave, ta hulandes. E panel nan solar p.e. ta adkeri na Hulanda.