Minister no kier pa prolonga contracto di Ezzard Cilie

ORANJESTAD – Gobierno no ta desea pa e contracto di e actual director medico di Horacio Oduber Hospital, Ezzard Cilie ora cu e contracto vence na december awor. Asina minister di salud Dangui Oduber a bisa diahuebs mainta durante un conferencia di prensa. Segun Oduber, e lo informa e hunta di supervision pa tene cuenta cu esaki. Mes momento kier pa dentro di 3 luna, tin un director nobo y uno financiero, pa cual lo saca proximamente un aviso di solicitud pa esaki. 

CILIE

Manera ta conoci, tabata na November 2016 cu e hunta di supervision a dicidi y anuncia cu debi cu no a logra haya un director (despues di a negosha pa 7 luna largo cu algun candidato), cu Ezzard Cilie mes ta keda como director (inicialmente pa periodo di un aña e tempo ey). Cilie a tene e puesto interino pa basta tempo, pero e ora a nombre como e director general mes. Y e posicion aki el a mantene te cu awor, unda cu e contract ta vence e fin di e aña aki. Pero minister Oduber a mustra cu e no ta desea pa e contracto aki keda prolonga. E intencion ta pa e directiva bira uno di uno di dos cabez, esta un director medico general y un director financiero. Tabata altun tempo pasa cu a dicidi di retira e director financiero Theo de Kool pa supuesto motibonan di irregularidad.