Resultado di examen di Colegio Arubano ta conoci!

ORANJESTAD – Pa hopi mayor y studiante, diaranson tabata un dia di ansha, en espera di un resultado di examen final di scolnan secundario. Varios scol a comparti nan resultado durante curso di dia. Un di nan tabata Colegio Arubano, unda cu e resultado a wordo ricibi cu euphoria inicial (ainda falta e her examen pa algun), unda cu tanto mayor y yiu tabata warda e papel cu nomber lora bin abou. Un pa un, studiantenan a cuminsa busca nan nomber pa wak si nan a logra si of no. Na tur, e resultado di VWO manera semper, tabata miho cu esun di HAVO. PA VWO, un total di 89 alumno a slaag (72%), mientras cu pa HAVO, 169 a slaag cu ta 57%. Den curso di dia y oranan, NoticiaCla lo tin resultado di e otro scolnan. Potretnan ta cortesia Facebook Colegio Arubano.