Periodo di transicion pa kita BBO di recibo, aplasa cu 3 luna mas

ORANJESTAD – Gobierno a dicidi cu nan ta aplasa e periodo di transicion pa kita BBO for di e recibo, cu tres luna. Esaki kier men cu pa entrante 1 di October proximo comerciantenan mester kita e BBO for di recibo. Si no haci esaki nan lo haya un multa pa incumplimento. Inicialmente ora cu aña a bolter, a anuncia como parti di e reforma fiscal, cu ta kita e mencion di BBO riba recibo, pero a duna comercio 6 luna di tempo pa haci e cambionan necesario. Pero gremionan a protesta, indicando cu e no ta suficiente tempo. Basa riba esey, a dicidi awor cu ta cambia e transicion y ta duna 3 luna mas di tempo. 

BBO RIBA RECIBO

E situacion di BBO riba recibo, tabata dificulta e proceso y cobransa, y no tabata mucho cla con e cobransa mester a tuma lugar, pero mas ainda e cliente no sa cua suma tin cu compara e producto cune na varios establecimento.  Mas principal e suma cu mester a cobra. Cu e kitamento di BBO, ta mas facil pa e cliente por haci su calculacion y comparacion y tambe pa e cobransa tuma lugar.