Polis a confisca boto cu lo por a trece ilegalnan tera marduga

ORANJESTAD – Mientras cu no tin confirmacion di autoridad, tin pensamento cu den marduga un boto yena cu sea droga y of persona indocumenta a yega tera y ‘disparse’. Personanan na e sitio pariba di Bushiribanda, a bin topa cu e boto cu motor pega na dje. Polis a acudi na e sitio y a confisca e boto. Parse cu e area ta uno cu no por wordo capta pa radar, esta cu e ta riba un ‘blindspot’ di e radar. Oficialmente autoridad, entre nan Warda Costa di Caribe no a raporta nada ainda.