Hilton Aruba ta celebra su di 100 aña di hospitalidad

Posted on 06/9/2019 6:53 pm AST | Updated on 06/9/2019 6:54 pm AST

(ADVERTORIAL)

PALM BEACH  - Dia 31 di mei 2019, Hilton Aruba Caribbean Resort & Casino a celebra e di 100 aña di Hilton, e prome cadena mundial di hotel, concluyendo un siglo di inovacion, hospitalidad y biahenan revoluciona. 

Pa celebra e ocasion special akinan e programa extenso di celebracion a inclui un variedad di eventonan y actividadnan special cu a involucra e huespednan di e hotel, e miembronan di ekipo y e comunidad en general.

Bou di Hilton su lema “Random Acts of Hospitality”, e hotel a invita studiantenan di IBERO American High School y a organisa un sesion di orientacion interesante pa nan, sigui pa ‘job shadowing’ y varios actividadnan social dibertido.

E ekipo tambe a invita 25 mucha di Imeldahof y a entretene nan cu un karaoke unico. E muchanan tambe a wordo invita pa un les di Zumba sigui pa hotdogs, pizza, refresco y dessert.

Durante e oranan di druk di mainta e management team a parti chuculati empaketa cu e logo di ‘100 Years of Hospitality’ riba dje pa tur automobilista cu a pasa na e crusada principal di Noord. Bisti cu nan t-shirt conmemorativo, nan a comparti e grato noticia di e aniversario di Hilton cu e automobilistanan.

Durante e siman di e aniversario, e hotel a celebra e logro akinan cu e huespednan door di organisa un Customer Appreciation party den e lobby cu snacks, cocktails, musica di steel pan y un photo booth personalisa cu un fotografo profesional pa saca potret. E ekipo di pool & beach tambe a sorprende e huespednan cu palofriu y cupcakes blauw, blaas pa e muchanan, y a sorprende diferente huesped door di decora nan palapa y pone coolers jena cu coi bebe y coi come.

Den e hotel, e lobby y den camber, e pantayanan a haya bida cu e banner di “100 Year Hospitality” y cu video di entrevista di diferente miembro di ekipo cu a expresa nan deseonan pa cu e aniversario. E logo di 100 aña tambe a wordo proyecta riba e Aruba Tower, cu tabata visibel pa full e Palm Beach strip durante simannan prome cu e gran dia. 

Como un acto di gradicimento adicional, e miembronan di gerencia a duna bon bini na e miembronan di ekipo cu un dushi desayuno y un snack atardi na entrada di e miembronan. E miembronan di ekipo tabata specialmente contento cu e delicioso BBQ den e restaurant di e miembronan dia 31 di mei.

Pa surpasa e programa extenso di celebracion, ekiponan di tur parti mundo a mira un live streaming cu e CEO di Hilton, Chris Nasetta, uni pa un momento universal di celebracion.

“Mi ta kere e mundo ta un mihor lugar paso Hilton a nace 100 aña pasa”, Christopher J. Nasetta, president y CEO di Hilton a bisa. “Y si nos sigui haci nos trabao, e mundo lo ta un mihor lugar paso Hilton lo tey durante e proximo 100 aña”.

Ta evidente cu loke a cuminsa na 1919, ora Conrad Hilton a cumpra su prome hotel, Mobley na Cisco, Texas, e la comberti den un vision cu a yena e mundo cu luz y calor di hospitalidad. Ken por a pensa cu e hotel lo crece y bira mas di 5,600 hotel den un siglo, emplea casi 10 miyon di miembro di ekipo den 113 pais, generando un impacto economico di mil biyon y a yama mas di 3 biyon di persona nan huesped. E ta algo fenomenal.

 

 

  • Digicel kier trece mas innovacion pa Aruba

    Digicel kier trece mas innovacion pa Aruba

    (ADVERTORIAL) 

  • Fantastic Gardens a introduci gerencia nobo

    Fantastic Gardens a introduci gerencia nobo

    ORANJESTAD - Recientemente, Roy Maduro y Grace Maduro a anuncia na e empleadonan, cu nan ta retira oficialmente for di Fantastic Gardens den posicion di maneho. E management team nobo a bira Frank Geerman, Ricky Maduro y Rebecca Maduro.

  • Doñonan di fruteria kier importa fruta y berdura di Venezuela

    Doñonan di fruteria kier importa fruta y berdura di Venezuela

    ORANJESTAD - E doñonan di fruteria na Aruba a pidi gobierno di Aruba permiso special pa importa fruta y berdura di Venezuela, debi cu actualmente e situacion di frontera cera, ta aumenta e gastonan mucho. Asina nan a participa na Prome Minister Wever Croes durante un reunion. Gobierno a priminti di lo evalua e peticion y despues bolbe bek cerca e doñonan. 

  • KVK: Comercio a expresa preocupacion durante nan Town Hall Meeting

    KVK: Comercio a expresa preocupacion durante nan Town Hall Meeting

    ORANJESTAD – Comercio a expresa preocupacion durante e Town Hall Meeting di Camara di Comercio (KvK). Asina Kvk a informa den un comunicado. Manera ta conoci siman pasa diahuebs, KvK a organisa un Town Hall Meeting caminda a invita pueblo y en particular comunidad comercial, pa discuti riba e topico di Reforma Fiscal. Segun KvK, den un auditorio di KvK bon bishita, por bisa cu a haya hopi bon punto y KvK ta hopi contento cu e resultado. Di e forma aki KvK lo por formula su punto di bista, a base di loke ta biba cerca e comerciantenan y KvK lo trece e puntonan di preocupacion y e ideanan alternativo como solucion cerca gobierno. KvK ta di opinion cu e solucionnan cu a yega na oido di KvK y pueblo, no ta esun mas faborabel pa comercio, pueblo di Aruba y nos turismo.

  • Ex Aqua Condominiums awor ta bira Radisson Blu Hotel

    Ex Aqua Condominiums awor ta bira Radisson Blu Hotel

    ORANJESTAD – Radisson Blu Hotel lo inverti 80 miyon dollar pa completa e proyecto hotelero di ex Aqua Condominiums. Diaranson atardi Minister di Turismo, Dangui Oduber tabata presente na e edificio di ex Aqua Condominiums, caminda e mandatario a haya un presentacion di e proyecto di Radisson Blu. Despues e mandatario a firma un carta di compromiso den nomber di Gobierno conhunto cu Beachside Development Company y Radisson Hotels International.

  • Gobierno no ta cla ainda pa presenta solucion pa cera buraco financiero

    Gobierno no ta cla ainda pa presenta solucion pa cera buraco financiero

    ORANJESTAD – Mientras cu gobierno kier balansa e solucion financiero entre aumento di entrada y desaroyo economico pa cera e buraco financiero, ainda e parti di desaroyo economico no ta cla. E mandatario no ta kere solamente den medida, pa aumenta e entradanan di gobierno, pero tambe cu mester tin e desaroyo economico pa yuda e inversionista y e ciudadano. Unabes cu esaki ta cla, lo presenta esaki riba un plachi completo. Ta trata di un plan di por lo menos 15 ‘proyecto’. “Pero nan no ta suficientemente concreto cu mi por papia di nan, y p’esey mi ta pidi mas tempo pa por presenta esaki y cera e ‘gap’, kico ta realisabel y kico no. Importante segun Minister Wever ta, pa cada un di e proyectonan aki tin un ‘economische onderbouwing’, kiermen un splicacion bon hinca den otro, con esey ta bay contribui na cera e gap. No ta bay pone djis manera antes, kico nan ta haci sin mas.   

  • Powered by SETAR