American Airlines ta inaugura di 6 buelo di Merca pa Aruba

Posted on 06/8/2019 7:19 pm AST | Updated on 06/8/2019 7:21 pm AST

ORANJESTAD – Aruba Airport Authority N.V. (AAA) tabata contento pa yama bonbini na American su servicio nobo riba Diasabra entre Aeropuerto Internacional Reina Beatrix (AUA) y La Guardia Airport (LGA) na Queens, New York. 

Presente di parti di American na e ceremonia di corta cinta tabata Sr. Nelson Cortes (station manager), y tambe representantenan di e autoridadnan di gobierno y aeropuerto, incluyendo Minister di Turismo Sr. Dangui Oduber, CEO di AAA Sr. James Fazio CEO di Aruba Tourism Authority (ATA) Sra. Ronella Tjin Asjoe-Croes y presidente y CEO di AHATA Sra. Tisa LaSorte.

“Nos “footprint” den Caribe ta algo cu nos aerolinea ta orguyoso di dje, mirando cu nos ta e aerolinea lider den region cu servicio pa 38 destinacion y faltando mas pa agrega na e lista,” asina Alfredo Gonzalez, American su Managing Director pa Caribe a comenta. “December ultimo nos a sigui expande nos footprint na Aruba, cu servicio nobo for di Dallas/Fort Worth y Chicago, y cu e buelo nobo aki nos ta brinda Aruba na un di e mercadonan di mas importante den Merca, New York, haciendo Aruba su posicion mas fuerte como destinacion turistico.”   

E servicio nobo di American pa Aruba lo opera tur Diasabra cu un avion Boeing 737-800, cu tin 16 asiento First Class y 144 asiento den e cabina principal. E buelo saliendo di LGA ta sali 8:30 am y ta yega Aruba 1:14 pm. Pasaheronan saliendo for di Aruba ta sali 2:10 pm y ta yega LGA 7:00 pm.

“American Airlines ta un partner valioso pa nos destinacion, y como cu aumento di airlift ta crucial pa Aruba su crecimento turistico y exito continuo, e buelo nobo aki ta sigui integra nos sector turistico den un mercado esencial cu ta New York City,” asina Ronella Tjin Asjoe-Croes, CEO di Aruba Tourism Authority a bisa. “Cu e buelo adicional aki, nos ta ansioso pa saluda nos bishitantenan cu ta bolbe bishita nos One Happy Island.”

E aerolinea tin un presencia fuerte den Caribe cu mas di 900 buelo semanal durante e high season na 38 destinacion. Actualmente American ta opera servicio henter aña for di Aruba pa  Charlotte, Dallas/Fort Worth, Philadelphia, Miami y New York y servicio temporal for di Chicago. 

“Nos ta duna bonbini na e buelo di LGA cu brasanan habri,” asina CEO di AAA Sr. James Fazio a comenta. “American Airlines ta un partner valioso di hopi aña pa AUA y e di 6 buelo directo/non-stop ta demostra e confiansa continuo den e mercado di Aruba. New York ta un destinacion hopi popular pa e localnan y Aruba ta un destinacion hopi popular pa esnan di New York, esei di berdad ta un win-win situation pa ambos mercado. E ta importante pa menciona cu e buelo aki ta posibel danki na e facilidad di US Pre-Clearance na aeropuerto, mirando cu La Guardia Airport no tin nan propio facilidad di imigracion. Nos ta agradecido na American Airlines, Gobierno di Aruba, ATA y nos staff pa haci e buelo aki bira realidad pa nos pasaheronan!” 

 

  • Digicel kier trece mas innovacion pa Aruba

    Digicel kier trece mas innovacion pa Aruba

    (ADVERTORIAL) 

  • Fantastic Gardens a introduci gerencia nobo

    Fantastic Gardens a introduci gerencia nobo

    ORANJESTAD - Recientemente, Roy Maduro y Grace Maduro a anuncia na e empleadonan, cu nan ta retira oficialmente for di Fantastic Gardens den posicion di maneho. E management team nobo a bira Frank Geerman, Ricky Maduro y Rebecca Maduro.

  • Doñonan di fruteria kier importa fruta y berdura di Venezuela

    Doñonan di fruteria kier importa fruta y berdura di Venezuela

    ORANJESTAD - E doñonan di fruteria na Aruba a pidi gobierno di Aruba permiso special pa importa fruta y berdura di Venezuela, debi cu actualmente e situacion di frontera cera, ta aumenta e gastonan mucho. Asina nan a participa na Prome Minister Wever Croes durante un reunion. Gobierno a priminti di lo evalua e peticion y despues bolbe bek cerca e doñonan. 

  • KVK: Comercio a expresa preocupacion durante nan Town Hall Meeting

    KVK: Comercio a expresa preocupacion durante nan Town Hall Meeting

    ORANJESTAD – Comercio a expresa preocupacion durante e Town Hall Meeting di Camara di Comercio (KvK). Asina Kvk a informa den un comunicado. Manera ta conoci siman pasa diahuebs, KvK a organisa un Town Hall Meeting caminda a invita pueblo y en particular comunidad comercial, pa discuti riba e topico di Reforma Fiscal. Segun KvK, den un auditorio di KvK bon bishita, por bisa cu a haya hopi bon punto y KvK ta hopi contento cu e resultado. Di e forma aki KvK lo por formula su punto di bista, a base di loke ta biba cerca e comerciantenan y KvK lo trece e puntonan di preocupacion y e ideanan alternativo como solucion cerca gobierno. KvK ta di opinion cu e solucionnan cu a yega na oido di KvK y pueblo, no ta esun mas faborabel pa comercio, pueblo di Aruba y nos turismo.

  • Ex Aqua Condominiums awor ta bira Radisson Blu Hotel

    Ex Aqua Condominiums awor ta bira Radisson Blu Hotel

    ORANJESTAD – Radisson Blu Hotel lo inverti 80 miyon dollar pa completa e proyecto hotelero di ex Aqua Condominiums. Diaranson atardi Minister di Turismo, Dangui Oduber tabata presente na e edificio di ex Aqua Condominiums, caminda e mandatario a haya un presentacion di e proyecto di Radisson Blu. Despues e mandatario a firma un carta di compromiso den nomber di Gobierno conhunto cu Beachside Development Company y Radisson Hotels International.

  • Gobierno no ta cla ainda pa presenta solucion pa cera buraco financiero

    Gobierno no ta cla ainda pa presenta solucion pa cera buraco financiero

    ORANJESTAD – Mientras cu gobierno kier balansa e solucion financiero entre aumento di entrada y desaroyo economico pa cera e buraco financiero, ainda e parti di desaroyo economico no ta cla. E mandatario no ta kere solamente den medida, pa aumenta e entradanan di gobierno, pero tambe cu mester tin e desaroyo economico pa yuda e inversionista y e ciudadano. Unabes cu esaki ta cla, lo presenta esaki riba un plachi completo. Ta trata di un plan di por lo menos 15 ‘proyecto’. “Pero nan no ta suficientemente concreto cu mi por papia di nan, y p’esey mi ta pidi mas tempo pa por presenta esaki y cera e ‘gap’, kico ta realisabel y kico no. Importante segun Minister Wever ta, pa cada un di e proyectonan aki tin un ‘economische onderbouwing’, kiermen un splicacion bon hinca den otro, con esey ta bay contribui na cera e gap. No ta bay pone djis manera antes, kico nan ta haci sin mas.   

  • Powered by SETAR