Gobierno di Corsou a cancela biahe pa Hulanda debi na aanwijzing

WILLEMSTAD – Gobierno di Corsou a anuncia diabierna cu nan ta cancela nan biahe planea pa Hulanda otro siman, debi cu nan a compronde cu Conseho di Minister di Reino tin programa pa duna e isla un aanwijzing, (instruccion). Corsou lo tabatin un palabracion cu a base di un acuerdo cu Hulanda pa yega na un solucion pa resolve e problemanan financiero di e pais, cu un aanwijzing lo no tabata necesario. Pero mirando cu a compronde cu e aanwijzing ta riba agenda pa otro siman diabierna, a dicidi di pospone e biahe. Segun gobierno, tin un indicacion fuerte, aunke no definitive, cu den e reunion di Conseho di minister di Reino, esey lo resulta den un ‘aanwijzing’ sin considera loke Hulanda ya caba tabatin como palabracion pa yega na e acuerdo. Segun gobierno, ta trata aki di un acto di principio. Segun gobierno di Corsou, cu Hulanda cu e aanwijzing no ta tene cuenta cu tur aspecto cu ta hunga un rol importante den e totalidad di e situacion financiero precario cu Corsou ta aden. Ta considera cu e aanwijzing ta ensera instruccionan cu ta irealistico y cu mas bien lo stroba desaroyo di e pais en bez di stimule. “ Mirando cu Hulanda kier sigui cu un ‘aanwijzing’ irealístico enbes di un colaborashon boluntario pa cresemento duradero, pa Corsou e biahe no tin sentido mas” Gobierno a sigui bisa.