Kiwanis Club Aruba y New India Assurance a lansa video nobo Don’t Text & Drive

Posted on 06/6/2019 5:19 pm AST | Updated on 06/6/2019 5:27 pm AST

ORANJESTAD - Kiwanis Club of Aruba y New India Assurance a lansa diaranson mainta dia 5 di juni e segundo video di e proyecto “DON’T TEXT & DRIVE”. E prome video a keda presenta den luna di februari, cu Korpschef di politiekorps, Sr. Andrew Hoo. E Presidente di Kiwanis Club of Aruba, Edalitza Weller,  durante e conferencia di prensa a elabora cu ya pa mas di 30 aña Kiwanis Club of Aruba tin diferente proyecto pa conscientisacion di siguridad den trafico na Aruba. Miembro di Kiwanis Club of Aruba y alabes “Chair” di Traffic Awareness Committee, Jo-Anne Arends y Kaveri Raghunath, Managing Director di New India Assurance a splica tocante e video aki.

E campaña “DON’T TEXT & DRIVE” a inicia na aña 2012 y a continua den diferente fase di conscientisacion. E aña aki haciendo uzo di tecnologia, e campaña a evoluciona, te cu awe ta lansa e video “JOIN THE MOVEMENT” conhuntamente cu New India Assurance. E biaha aki a enfoka riba Karyme Acosta, un joven atleta cu ta destaca den coremento na pia y riba bicicleta y tambe den e deporte di natacion.

E motibo pa profila Karyme ta pa conscientisa e automobilistanan riba nan responsabilidad como ciudadano. Un biaha mas e enfasis di e grabacion ta riba un trafico sigur, particularmente yamando atencion riba e peliger sumamente grandi cu texting and driving ta trece cune pa nos atletanan cu ta practica nan deporte riba nos careteranan.

New India Assurance, siendo un di e compania di seguro di auto mas grandi na Aruba, claramente ta mira e peliger di esaki y e daño cu esaki por ocasiona.

Kiwanis Club of Aruba hunto cu New India Assurance kier gradici un y tur cu a haci e video aki posibel. Tambe nos ta yama danki na e comunidad di Aruba pa cada dia ta mas consciente di e consecuencianan severo di texting and driving y cumpliendo cu e yamada tambe ta “JOIN THE MOVEMENT!”

Pa mas informacion pa bo tambe “JOIN THE MOVEMENT” like e Facebook page di Kiwanis Club of Aruba y New India Assurance Aruba y share e video cu e mensahe importante aki: “DON’T TEXT & DRIVE!”

  • CIBC FirstCaribbean ta organisa un ‘Full Moon Walk’ na San Nicolas cu Stichting Bob Aruba

    CIBC FirstCaribbean ta organisa un ‘Full Moon Walk’ na San Nicolas cu Stichting Bob Aruba

    ORANJESTAD – CIBC FirstCaribbean ta organisa su di dos “Full Moon Walk” e biaha aki na San Nicolas riba diasabra 12 di october 2019. Esaki ta un caminata riba e ruta di Anker na San Nicolas, cual ta cuminsa 7:00 pm y lo termina pa 10:00 pm. E caminata tin diferente meta; un dia nan ta pa recauda fondo pa e Stichting BOB Aruba, como tambe pa e comunidad di Aruba por comparti como famia na Pariba di Brug, disfrutando di e luna yen, cu ta duna un bunita claridad durante e caminata. Na e final di e ruta e participante nan por admira Baby Beach of Rodgers Beach. E prijs ta uno di AWG 20,- y e ta inclui un dry fit T-shirt. 

  • Traha bo mesun tas na Cosecha San Nicolas

    Traha bo mesun tas na Cosecha San Nicolas

    ORANJESTAD  – Diasabra awo, 21 di september lo tin e workshop tan spera duna door di Ana Luidens. Ana lo yuda bo crea bo mesun tas. Esey ta algo sigur hopi great, pa por traha un tas den e sfeer artistico na Cosecha.

  • Kiwanis Club of Aruba duna reconocimento na 9 studiante di Colegio Arubano

    Kiwanis Club of Aruba duna reconocimento na 9 studiante di Colegio Arubano

    ORANJESTAD - Diasabra ultimo na Plaza pa Jos na Colegio Arubano a tuma lugar Kiwanis Club of Aruba su di 23 entrega di "Clint Whitfield Outstanding Student Award" na e studiantenan di Colegio Arubano, cu a sobresali den e Aña Academico 2018 – 2019. 

  • Randal Corsen y Tony Succar den Casibari Jazz Festival otro siman

    Randal Corsen y Tony Succar den Casibari Jazz Festival otro siman

    ORANJESTAD – Dos nomber grandi lo ta den e prome edicion di Casibari Jazz Festival otro siman na Casibari Music Café & Grill, dia 20 y 21 di september proximo, esta Tony Succar y Randal Corsen respectivamente. Esey a keda participa diahuebs atardi durante un conferencia di prensa. E version original di e festival, Caribbean Sea Jazz Festival a keda cancela, debi cu a perde e sponsor principal (Aruba Tourism Authority), pa cual a dicidi di crea un version mucho mas chikito, pero si cu suficiente ingrediente impactante, incluyendo e lugar. 

  • Riu Palace Aruba a sorprende e clientenan di Club Kibrahacha cu desayuno

    Riu Palace Aruba a sorprende e clientenan di Club Kibrahacha cu desayuno

    ORANJESTAD - Recientemente Riu Palace Aruba a presenta na Club Kibrahacha y a sorprende tur nan clientenan cu un dushi desayuno. Nan tabata contento cu e desayuno, pero tambe di e bishita inespera. E clientenan di Club Kibrahacha a pasa un mainta yen di alegria disfrutando di un dushi desayuno hunto cu e team dinamico di RiuLand, kendenan a organisa dos wega cu nos grandinan.

  • Riu Palace Antillas a organisa brunch di gradicimento p’e fundacionnan di bestia

    Riu Palace Antillas a organisa brunch di gradicimento p’e fundacionnan di bestia

    ORANJESTAD - Riu Palace Antillas a organisa un “Thank you Brunch” p’e fundacionnan cu ta rescata cacho y pushi for di caya, pero tambe di maltrato. A invita 9 fundacion cu ta: Fundacion Luna, New Life for Paws Foundation, Animal Relief Foundation Aruba, Nine Lives Aruba Foundation, Sgt Peppers Foundation, Aruba Animal Shelter, Animal Rights Aruba, Crijojo Trappers Aruba y United Dogs. Tur fundacion a pasa un rato agradabel cu e staff di hotel a prepara, unda cu a rifa premio entre nan y tambe a disfruta di e canticanan di e banda Robin & the Rebels.

  • Powered by SETAR