Sospechoso caso asesinato caso de Vuyst ta admiti culpabilidad

Posted on 06/6/2019 11:42 am AST | Updated on 06/6/2019 11:43 am AST

ORANJESTAD – E sospechoso principal den caso De Vuyst Jairo Chalgut (sentencia aña pasa pa e asesinato di Sarahi Sierra) a sorprende tur hende den corte di apelacion e siman aki admitiendo cu e ta responsabel pa e morto di e hoben dama. E unico medio presente den sala, e vespertino Amigoe di Aruba, tabata e prome pa raporta esaki den su edicion e siman aki. Mientras cu Chalgut ta admiti cu ‘e tin e morto riba su consenshi’, e no sa y no ta corda pakico el a hacie. “Mi ta admiti cu mi a asesin’e pero mi no ta corda kico a bay robez” Chalgut a bisa, segun e vespertino ta sigui raporta.

E CASO

E detayes di e caso horendo na 2017 na De Vuyst unda cu ruman chikito di Sierra a haya Sierra morto den e caso, a keda ripiti, incluyendo detayes escalofriante di e mainta teribel ey. Detayes cu a pone e famia recorda momentonan doloroso atrobe durante tratamento den e sala. E vespertino Amigoe ta describi con e famianan tabata tene otro duro, cu tristesa den e sala parti abou, mientras cu a separa e famia di e sospechoso den e parti pa publico den tribuna ariba. Loke a sali nobo dilanti di e caso tambe, ta cu e sospechoso lo tabatin un relacion amoroso cu e victima pa 2 aña caba. Ora cu huez a puntra e sospechoso pakico no a divulga esaki prome, Chalgut a contesta “Mi no mester a comparti mi bida priva”. El a bisa tambe e ora cu e no ta bay contesta mas pregunta. Tabata despues di un break cortico cu e huez a introduci, cu e sospechoso a duna su declaracion sorpresivo. “Mi ta admiti cu mi a asesin’e, pero mi no ta corda mas kico a bay robez” di e caso di asesinato. Ora cu esaki a wordo divulga, segun e vespertino, e famia di e victima a baha nan cabez y cu varios di nan a cuminsa yora. “Mi no a hort’e (a acusa cu el a horta un suma di placa tambe), pero mi sa cu mi tabata bou di influencia di alcohol y droga. Mi no sa con mi a yega su cas”, e vespertino Amigoe ta sigui cita di e caso. Huez e momento ey a cuminsa pidi mas informacion, mirando e hecho cu ta prome biaha cu e sospechoso de hecho a admiti culpabilidad. Pero e huez no tabata exitoso ya cu e sospechoso a keda para ariba solamente cu e tabatey y cu e tabatin sex tambe cune. “Mi ta purba corda (loke a sosode) pero no mi no por corda”.

ABOGADO

Durante tratamento di e caso, abogado di e sospechoso, esta Demis Illis, a puntra corte, segun e vespertino, si corte di apelacion kier keda na e sentencia impone di 20 aña, ya cu pa cu su cliente por ‘haya su mes’ den e sentencia ey y a pone su mes cu esey ta e sentencia.

HUEZ TIN DUDA

Durante e caso, hueznan a mustra nan falta di confiansa den e sospechoso y tabatin dificultad pa kere e declaracion di e sospechoso, segun e vespertino. “Con ta posibel cu bo ta corda cu bo a mat’e, pero cu bo no ta corda nada mas “ un di e hueznan a puntra durante tratamento di e caso. “Esey ta hopi dificil pa kere”. Hasta ministerio publico tabatin problema cu e asunto. Di otro banda, OM a mustra si cu nan ta haya cu e confesion ta importante pa e famia. “MI ta haya awe un momento importante pa e famia, pasobra el a bisa cu el a haci’e” e vespertino Amigoe ta cita e fiscal. “Pero mi no sa si mi mester kere cu meneer no ta corda nada di e mainta ey”, e fiscal a sigui bisa.

PSICOLOGO

Durante e caso a bin dilanti cu e sospechoso ta bou di tratamento psicologico, y riba pregunta di huez pakico e ta bou di tratamento, e sospechoso a contesta cu ta pa su bida. “E ta yudami corda kico a pasa”. Riba e pregunta kico e ta pensa di e caso, el a bisa emocionalmente “E ta duro pami, pasobra mi sa cu mi a hacie”. Atrobe e abogado a puntra corte si ta mantene e sentencia di 20 aña of ta bay cu e peticion nobo di fiscal di 28 aña (aumento di 8 aña di castigo). Ta keda na hueznan di apelacion pa dicidi riba esaki. Na final, e sospechoso Chalgut a pidi e famia despensa na famia. E tres hueznan lo dicta sentencia dia 24 di juni pa 2’or di atardi.

Otmar Oduber: Testigo principal pa defensa den caso Flamingo no por declara dilanti Huez Comisario
ORANJESTAD – E testigo principal di parti defensa den caso Flamingo, den e caso aki, e hefe di BCI, lo no por declara dilanti Huez Comisario. Asina ex minister Otmar Oduber a declara publicamente diamars. Segun e ex mandatario, Huez Comisario a informa nan diabierna ultimo cu e motibo ta cu salud di e testigono ta permiti.
Mas Corte
Lesa Mas
Corte: Caso ‘Isla di Oro’ ta sigui fin di luna awor, cu mesun huez
ORANJESTAD – E caso riba proyecto Isla di Oro, cu a para ora cu a purba ‘wraak’ of destitui e huez en cuestion, ta continua fin di e luna aki, esta dia 29 di April proximo. Tabata dialuna cu corte a dicidi cu e peticion pa ‘wraak’ e huez, no ta valido y como tal e huez por continua trata e caso sin mas. For di informacion cu noticiacla a haya, ta mustra cu e caso lo no dura mucho largo mirando cu tabata practicamente na final di e tratamento, cu e peticion di ‘wraak’ e huez a keda solicita. E caso lo cuminsa pa 2’or y mei di atardi.
Mas Corte
Lesa Mas
Corte a rechasa peticion di gobierno pa kita (wraak) huez di caso Isla di Oro
ORANJESTAD – Corte dialuna (tres huez) a dicidi cu e huez cu tabata trata e caso sumario entama pa Parke Arikock contra di proyecto na ex Isla di Oro, por keda trata e caso aki. Cu esaki e ta rechasa e peticion di parti di Gobierno di Aruba pa destitui y reemplasa e huez en cuestion di e caso en cuestion, A.vd L, di e caso, na Hulandes conoci cu e termino di ‘wraken’. Cu esaki, e caso por continua awor cu e huez en cuestion tratando esaki. E abogado di gobierno a demanda pa e huez en cuestion keda destitui di e caso, debi cu tabata parce cu e huez lo a mustra parcialidad pa cu e caso. Ora cu tin un situacion asina, e abogado por pidi pa kita e huez, osea ‘wraak’ e huez.
Mas Corte
Lesa Mas
OM: Awor Aruba tin hende certifica den Terapia di famia multi dimensional
ORANJESTAD - Recientemente a tuma lugar e entrega di certificado di e opleiding ‘Multi dimensionele familie therapie’ (MDTF) den presencia di Minister di Husticia y Asuntonan Social y Procurador-general.
Mas Corte
Lesa Mas
Abogado Gomez: Leynan pa castiga abuso di bestia, ta deficiente
ORANJESTAD – Leynan y castigonan consecuente pa castiga matralto di animal (mascota) ta hopi deficiente. Asina abogado mr Lincoln “Dello” Gomez a constata e fin di siman aki. Segun e abogado, e ta referi na e caso di e cacho cu a conoce un maltrato cu a conduci na su morto finalmente. Cu esaki pueblo a pidi castigo pa e persona aki. Pero segun e abogado, e ta keda desapunta cu e leynan cu tin den un caso semejante. E abogado ta splica den e video.
Mas Corte
Lesa Mas
Manera anticipa pa Noticiacla: Ex minister Besaril a recobra su libertad
ORANJESTAD – Manera cu Noticiacla.com a informa un dia prome, awe diabierna ex minister Guilfred Besaril a recobra su libertad, despues di tabata deteni pa 24 dia. Diahuebs e portal aki a informa cu Ministerio Publico no ta bay pidi pa prolonga e detencion di e ex minister, a lo menos cu Huez Comisario dicidi otro. Den e caso aki, e HC a opta pa bay cu OM, y a laga sr Besaril den libertad. Esey no kier men cu e ta liber di tur cargo, sino cu e no mester ta encarcela mas mientras cu e investigacion den e caso Tulipan ta sigui. E ta wordo acusa di entre otro malusa su funcion di minister, malversacion y estafa tempo cu e tabata den funcion na Hulanda como minister plenipotenciario durante e prome gabinete Wever Croes.
Mas Corte
Lesa Mas