Fundacion Bernadina cu e di 7 festival di canto diasabra awor na Brazil

Fundacion Bernadina cu e di 7 festival di canto diasabra awor na Brazil

Posted on 06/5/2019 4:41 pm AST | Updated on 06/5/2019 4:41 pm AST

BRAZIL - Miembronan di fundacion Bernadina Growell-Kock a invita un y tur pa e di 7 Festival di canto dedica na mama di Cultura Bernadina Growell-Kock recientemente. Representante di e fundacion Mervin Ras a trece padilanti cu e festival lo tuma lugar diasabra awor dia 8 di juni venidero anochi di 8pm-1 or am den Centro di Bario Brazil. 

Meta di e festival ta pa duna sosten na desaroyo di nos folklore y cultura. Tambe pa contribui na concientisacion di nos comunidad pa loke ta trata Mama di Cultura y su gran contribucion na nos folklore, cultura y arte. E fundacion a yega di organisa diferente acitividad y a coloca un relieve na Paseo Herencia. Na varios ocasion ta expone e cas pa tur hende por bishit’e. Mervin ta invita un y tur pa bin presencia e grandioso festival aki y ta gradici pa e aporte cu ta ricibi di publico y sosten y presencia di prensa.

Lena Yarzagaray Orman ta trece padilanti cu tin 28 cantante cu lo participa di cual 4 ta hoben. Lo tin 8 grupo tipico cu lo acompanja e cantantenan. Caarchienan ta obtenibel na 10 florin serca miembronan di fundacion of serca cantantenan of por yama Lena na cell.  5651145of Persey cel. 7336007.  Ruby Maduro kende ta participante na e festival a invita un y tur pa bin apoy’e y engrandece e festival mas ainda.   Sr. Chico Harms a anuncia diferente actividadnan pa celebracion dia di brazil. E anja aki lo tin 8 actividad. Dia 30 di juni tin bendemento di bolo, 28 di juli festival di cantica di caya, 11 augustus tin parada acustico den cual gruponan tipico lo toca, dia 17 di augustus lo elehi reina di chikitonan den tres categoria. Dia 24 di augustus tin eleccion di reina grandinan den tres categoria y lo corona nos pilar cultural. Dia 30 di augustus tin e parada cultural di lanterna. Dia 1 di september tin e grandioso parada folklorico cultural den cual e anja aki lo participa 13 grupo, 5 banda y 5 disco y ta birando mas grandi dia pa dia. Pa clausura celebracion di dis di brazil lo tin un show multicultural pa promer biaha dia 7 di september. Ta haci apelacion na esnan cu kier participa cu ta bonbini.  Sr. Sebastian Ras a anuncia diferente actividad e.o. dia di tata un fiesta tipico den centro di bario Savaneta, dia 24 di juni celebracion di dia di San Juan lo tin presentacion di gruponan, dia 30 di juni den Sportboys tambe lo tin in fiesta tipico. 

Sr. Roland Jansen tambe a hiba palabra. Ela trece padilanti informacion encuanto e festival di cantica di caya dia 28 di juli. Meta pa duna atencion na actividadnan di dia di brazil. Ta un festival di dos categoria, esta di cancionnan existente y cancionnan nobo. Edad ta 18 anja pariba. Tema di e cancionnan mester refleja nos cultura, custumbernan y ta pa prepara pa celebracion di dia di brazil. Ta invita tur bandanan pa inskribi te cu dia 21 di juli venidero.  

  • CIBC FirstCaribbean ta organisa un ‘Full Moon Walk’ na San Nicolas cu Stichting Bob Aruba

    CIBC FirstCaribbean ta organisa un ‘Full Moon Walk’ na San Nicolas cu Stichting Bob Aruba

    ORANJESTAD – CIBC FirstCaribbean ta organisa su di dos “Full Moon Walk” e biaha aki na San Nicolas riba diasabra 12 di october 2019. Esaki ta un caminata riba e ruta di Anker na San Nicolas, cual ta cuminsa 7:00 pm y lo termina pa 10:00 pm. E caminata tin diferente meta; un dia nan ta pa recauda fondo pa e Stichting BOB Aruba, como tambe pa e comunidad di Aruba por comparti como famia na Pariba di Brug, disfrutando di e luna yen, cu ta duna un bunita claridad durante e caminata. Na e final di e ruta e participante nan por admira Baby Beach of Rodgers Beach. E prijs ta uno di AWG 20,- y e ta inclui un dry fit T-shirt. 

  • Traha bo mesun tas na Cosecha San Nicolas

    Traha bo mesun tas na Cosecha San Nicolas

    ORANJESTAD  – Diasabra awo, 21 di september lo tin e workshop tan spera duna door di Ana Luidens. Ana lo yuda bo crea bo mesun tas. Esey ta algo sigur hopi great, pa por traha un tas den e sfeer artistico na Cosecha.

  • Kiwanis Club of Aruba duna reconocimento na 9 studiante di Colegio Arubano

    Kiwanis Club of Aruba duna reconocimento na 9 studiante di Colegio Arubano

    ORANJESTAD - Diasabra ultimo na Plaza pa Jos na Colegio Arubano a tuma lugar Kiwanis Club of Aruba su di 23 entrega di "Clint Whitfield Outstanding Student Award" na e studiantenan di Colegio Arubano, cu a sobresali den e Aña Academico 2018 – 2019. 

  • Randal Corsen y Tony Succar den Casibari Jazz Festival otro siman

    Randal Corsen y Tony Succar den Casibari Jazz Festival otro siman

    ORANJESTAD – Dos nomber grandi lo ta den e prome edicion di Casibari Jazz Festival otro siman na Casibari Music Café & Grill, dia 20 y 21 di september proximo, esta Tony Succar y Randal Corsen respectivamente. Esey a keda participa diahuebs atardi durante un conferencia di prensa. E version original di e festival, Caribbean Sea Jazz Festival a keda cancela, debi cu a perde e sponsor principal (Aruba Tourism Authority), pa cual a dicidi di crea un version mucho mas chikito, pero si cu suficiente ingrediente impactante, incluyendo e lugar. 

  • Riu Palace Aruba a sorprende e clientenan di Club Kibrahacha cu desayuno

    Riu Palace Aruba a sorprende e clientenan di Club Kibrahacha cu desayuno

    ORANJESTAD - Recientemente Riu Palace Aruba a presenta na Club Kibrahacha y a sorprende tur nan clientenan cu un dushi desayuno. Nan tabata contento cu e desayuno, pero tambe di e bishita inespera. E clientenan di Club Kibrahacha a pasa un mainta yen di alegria disfrutando di un dushi desayuno hunto cu e team dinamico di RiuLand, kendenan a organisa dos wega cu nos grandinan.

  • Riu Palace Antillas a organisa brunch di gradicimento p’e fundacionnan di bestia

    Riu Palace Antillas a organisa brunch di gradicimento p’e fundacionnan di bestia

    ORANJESTAD - Riu Palace Antillas a organisa un “Thank you Brunch” p’e fundacionnan cu ta rescata cacho y pushi for di caya, pero tambe di maltrato. A invita 9 fundacion cu ta: Fundacion Luna, New Life for Paws Foundation, Animal Relief Foundation Aruba, Nine Lives Aruba Foundation, Sgt Peppers Foundation, Aruba Animal Shelter, Animal Rights Aruba, Crijojo Trappers Aruba y United Dogs. Tur fundacion a pasa un rato agradabel cu e staff di hotel a prepara, unda cu a rifa premio entre nan y tambe a disfruta di e canticanan di e banda Robin & the Rebels.

  • Powered by SETAR