UNHCR a tene tayer pa periodistanan local riba asilo politico y refugiado

ORANJESTAD – Un grupo di periodista local invita, a atende un tayer di periodismo y discussion diaranson mainta, di con pa atende cu e retonan pa raporta riba asuntonan di refugiado y e topico di asilo. E vocero pa United Nations High Commissioner for Refugees (UNHCR), esta Sibylla Brodzinksky y Kelly Bendelow, representante di UNHCR na Aruba a dirigi e tayer diaranson mainta. Entre e topiconan trata, tabatin e Proceso pa compronde e proceso, contexto mundial, regional y nacional di e situacion, usando e terminologia corecto, consideracionan ethico, y tips con pa entrevista eventual  refugiado y esnan cu ta pidi asilo politico. Durante e tayer, mientras cu e contenido tabata 'tras di porta cera', a trata e situacion di e.o. Venezuela, y prensa a haya chens di haya claridad riba varios aspecto di e problemanan cu cual ta wordo confronta e temponan aki riba e tema. A clarifica e tema di refugiado, asilo politico, con pa trata nan, y mucho mas.