IMF positivo cu Aruba pero kier mas medida pa logra meta fiscal

WASHINGTON – Gobierno di Aruba ta progresando bon cu implementacion di nan agenda di reforma fiscal. Reapertura di refineria por trece inversion acerca y mas empleo. Mester di mas medida pa sigura cu gobierno ta yega su meta fiscal. Asina Fondo Monetario International (IMF) ta bisa entre otro den su raport final di su bishita pa Aruba publica diaranson riba nan portal. “Claro cu tin puntonan di atencion, pero en general e ta positivo y hopi mas positivo cu añanan anterior. IMF ta expresa e confiansa bek den nos pais” Prome minister Wever a bisa como reaccion riba e rapport aki. 

REFORMA

Mientras cu IMF ta repasa e situacion financiero di Aruba, nan ta indica puntonan tambe cu mester tene cuenta cune. Notable ta e atencion dedica na e reforma fiscal y su efectonan. “Implementacion di reforma structural necesario, lo boost crecemento potencial” IMF ta bisa, fuera di e posibilidad di e reapertura di refineria. “Nan ta encurasha pa sostene e momentum di reforma pa mantene e ratio di debe publico keda abou. Reforma mester tin prioridad, den secuencia, equitativo, y bon comunica pa sigura su durabilidad”.    

MEDIDA ADICIONALPa loke ta e medidanan cu IMF ta referina na dje, nan ta sugeri pa e ‘ahustenan’ adicional contene un mix di reforma fiscal y racionalisacion di gasto’. Mes momento nan ta admiti cu e medidanan fiscal di 2019 ta poni pa genera aumento den entrada pa gobierno, pero ‘ta importante pa crea un balansa den aumento di entrada y un moderacion di gasto den e proximo añanan’. E reformanan fiscal por sigui conseho anterior di IMF y ta enfatisa e base y shift den direccion di impuesto indirecto, manera VAT. Segun IMF, e politica monetario y supervision di e sector financiero y su regulacion ta sigui apropia. 

MENOS RED TAPE 

Pa por maximalisa e potencial financiero, Aruba mester sigui reforma structural cu ta mehora e clima commercial y reduce red tape, flexibilisa e mercado laboral mientras cu nan ta proteha e trahado, aumenta capital humano, y atende cu e vulnerabilidad gubernamental. Nan ta nota tambe cu hopi di e esfuersonan aki ta na caminda caba. “Tin bon progreso pa loke ta revision di e cuentanan nacional.  Lesa e rapport completo AKI.