ASIS ta organisa conferencia grandi di seguridad na Aruba

(ADVERTORIAL)

ORANJESTAD - E Subdivision Caribe Hulandes di e Sociedad Mericano pa Seguridad Industrial (ASIS) recien forma ta organisa un conferencia extenso den juni cu tema: Safety & Security. Expertonan reconose internacionalmente di diferente parti di mundo lo papia durante e conferencia aki dia 11 di juni na Renaissance Convention Center na Aruba.

Topiconan cu lo bini dilanti ta:

-  Prevencion di Crimen pa medio di diseño di bo medio ambiente: Con bo ta crea un ambiente safe di biba, traha, y recrea, door di tene cuenta netamente cu e aspecto di seguridad na momento cu ta haci diseño;

- Desaroyonan riba tereno di seguridad den e industria di turismo. Turismo ta un di e pilarnan importante di nos comunidad y pues ta importante pa desaroyo continuo di e islanan. Turismo sigur lo atrae mas turista;

- Plan pa Continuacion di Negoshi. Cada pais, cada negoshi y hasta cada cas mester tene cuenta cu calamidadnan y otro desaroyonan cu por afecta e bida di tur dia. Un plan pa continuidad di negoshi lo garantisa den momentonan asina cu por bay bek mas lihe posibel na e situacion normal;

- E Modelo di Seguridad Israëli. Israël ta internacionalmente conoci como un pais caminda gobierno, comercio, y ciudadanonan ta traha hunto riba nivel halto y hopi eficiente na un asercamento integral di seguridad. Un experto riba e tereno aki lo mustra cu e modelo aki por ta exitoso cerca nos tambe;

- Tiramento activo. Lamentablemente un aumento den e cantidad di arma (ilegal) a conduci tambe na un aumento den e cantidad di incidentenan cu tiroteo. E presentacion aki lo mustra cu por evita algun di e incidentenan aki, y tambe con lo ta miho pa reacciona riba nan.

E conferencia ta keda habri pa Minister di Husticia y lo cera cu un discusion di un panel cu entre otro minister di Husticia y algun experto local y internacional. E panel lo reaciona riba opinion di e publico cu por reaciona instantaneamente via nan Smartphone riba diferente teoria y formulacion. Mas informacion tocante e conferencia ta obtenibel riba e website www.asisdutchcaribbean.com of na number di telefon + 297 588 6169.