Iniciativa di ley pa matrimonio di mesun sexo na Corsou

WILLEMSTAD – Na Corsou e siman aki, dos parlamentario a entrega e iniciativa di ley pa legalisa matrimonio di mesun sexo na Corsou. Ta trata di parlamentarionan Giselle Mc William di Man y Stephen Walroud di PAR. E ley a keda entrega dialuna merdia na presidente di parlamento di Corsou William Millerson. Esaki ta e prome paso pa legalisa e proceso aki. E ley ta encera un cambio di Codigo Civil Buki 1. Segun Mc William na NoticiaCla, e ley aworaki ta canando su proceso manera bayendo Raad van Advies pa conseho. Asina cu ta asina leu, lo publica e contenido di e ley aki, cu sigur lo hala hopi atencion. Mescos cu na Aruba, matrimonio di mesun sexo no ta posibel na Corsou, pero si registracion di e matrimonio. Na Aruba tabatin hopi comosion algun tempo pasa ora cu a purba cambia e ley pa medio di un amienda. Potret ta cortesia di IgualdatKòrsou.