Croes: Prome pago cu ahuste di salario minimo a tuma lugar fin di mei

ORANJESTAD – Fin di mei e prome ahustacion riba salario minimo a tuma lugar. Esaki kier men cu tur hende cu salario minimo a ripara e cambio riba nan slip di fin di mei. Asina minister di Labor Glenbert Croes a informa. Ta trata di un ahustacion di e salario minimo cu un 3%. Segun Croes, tin sector cu a rabia cu e aumento aki, politiconan cu e chercha cu e 3% pero esunnan cu tabata gana 1711 florin mensual, fin di mei a haya 53 florin extra den nan man.

HOPI OF NADA

Pa esunnan cu tin hopi, 53 florin ta nada segun Croes. Pa esnan cu no tin, sa ki balor e 53 florin ey tin. “ Pa un famia e ta representa por ehempel 10 kipashi extra, unda cu antes alomejor no tabatin pan pa mucha hiba scol”Croes a sigui bisa.