Aruba ta prolonga cierre di frontera cu Venezuela

ORANJESTAD – Cierre di frontera entre Aruba y Venezuela ta keda prolonga cu algun luna. Asina minister di husticia Andin Bikker a confirma dialuna durante un conferencia di prensa di gobierno. E mandatario a bisa NoticiaCla mas specifico, cu e cierre ‘temporal’ anuncia luna pasa pa prome minister Evelyn Wever Croes, tabata pa inicialmente un luna. E luna ey ta vence 10 di juni proximo, esta dialuna otro siman. Pero a dicidi caba cu ta prolonga esaki cu algun luna mas. No a bisa si cu cuanto luna. E medida ta pa tin control riba e situacion actual cu e pais bisiña pa asina purba evita un fluho no desea (di loke tin caba) pa drenta Aruba. Diadomingo anochi un biaha mas 10 Venezolano a haci e intento pa drenta Aruba di un forma clandestino, pero polis a logra gara nan y detene nan.