Academia di polis awor por usa facilidad tambe na MZK na Savaneta

SAVANETA – Desde awor esnan cu ta atende e academia di polis na Aruba tambe por entrena na Mariniers Kazerne na Savaneta. Ta considera esaki un paso importante den fortificacion di e partnernan strategico den seguridad na Aruba. Comandante di MZK Timon van Dishoeck a firma e acuerdo cu director di e academia di polis na Aruba Jeanette  Richardson-Baars recientemente. Esaki ta nifica cu e agentenan hoben por awor usa e facilidadnan di entrenamento manera e tereno di obstaculo (hindernisbaan), un ‘pueblo pa entrenamiento y simulacion’, y un simulador di arma.  Cu esaki, nan ta fortifica tambe e lazo entre e departamentonan di seguridad unda cu ora cu tin operacionan special, por usa e experticio aki mas liher y efectivo.