Lider di partido AVP eligi como vice-presidente di ODCA

SAN JOSE _ Durante e 22’ Congreso di Organizacion Democrata Cristiana de America (ODCA) e lider di partido politico di Aruba AVP, Mike Eman a worde eligi unanimamente como Vice Presidente di ODCA pa e area di Caribe. Presidente di ODCA, Juan Carlos Latorre a expresa cu pa ODCA ta un honor tin Mike Eman, cu pa dos termino tabata Promer Minister di Aruba cu hopi exito y den cual su e passion pa e ideologia Humanista Social Cristian a reslta, den e comitee ehecutivo di ODCA. Lider di AVP Mike Eman hunto cu Parlamentario Robert Candelaria a atende e conferencia di ODCA na San Jose Costa Rica. Na e conferencia a atende 23 partido di 20 pais di Sur y Centro America y Caribe.  Durante e Congreso a adopta tambe un resolucion pa funda un instituto di innovacion, formacion y estudionan den scienia politico na Aruba. Den un foro cu lo worde teni na Boneiro proximamente lo trece  e institutonan scientifico asocia na partidonan miembro di ODCA hunto pa elabora entre otro riba e formacion di e instituto aki na Aruba.