Quota International tin su Conferencia Regional na Aruba e siman aki

ORANJESTAD - Ariba e dianan 31 Mei, 2019 te cu 2 di Juni 2019, venidero, Quota International Inc. lo tene nan Conferencia Annual pa Region 10  y cu lo tuma lugar e biaha aki na Aruba. 

Como e Directora Regional pa e periode di  2018-2020, di Region 10, Sra. Gwendeline van Trikt-Rojer miembro di Quota International Aruba, ta esun encarga cu e Conferencia aki .  

Conjuntamente cu e Project Leader, Juliska Harms y e equipo dynamico di Miembronan di  Quota Club Aruba, nos isla Aruba ta prepara pa ta e anfitrion pa brinda nos bishitantenan di exterior un Conferencia y estadia fabuloso ariba nos isla. 

E meta di e Conferencia annual  aki ta pa intercambia ideanan pa projectonan na benficio di communidad, sigi enforza e metanan di e organizashon, participa na tayernan cu tin cu aporta na benficio di nos communidad y mas principal,  conjuntamente haci un projecto na bienestar di nos communidad durante di e Conferencia Annual aki. E  aña aki e thema di e conferencia ta : “Empowered Women, Empowering Communities”. Durante e Conferencia Annual aki,  ta enfoca pa stimula nos muchanan y jovenan y tambe incluyendo e projecto especial cual ta inclui,  esnan cu deficienca auditivo. 

Conjuntamente cu algun miembro di FEDAA y  e miembronan di Quota,  lo realiza e projecto aki den nos communidad.  E meta ta pa invulcra esnan cu deficiencia auditivo tambe den projectonan den nos communidad.