Gezaghebber di Bonaire bou di investigacion pa algo di pasado

KRALENDIJK – Gezaghebber di Bonaire Edison Rijna ta bou di investigacion di Rijksrecherche pa un caso tempo cu e no tabata den e funcion actual. Asina Gezaghebber Rijna mes a admiti den un comunicado diaranson atardi. Mes momento e ta sigura cu el a actua corecto y cu pronto su nomber ta wordo aclarea. Pero mientrastanto e no por fungi como Gezaghebber y ta bay cu vacacion te proximo aviso. 

INTEROGACION

Rijna a informa cu dia di 12 di juni proximo, e lo wordo interoga pa RijksRecherche, relaciona cu un caso di investigacion Caldera. Ta trata entre otro di un investigacion cu tin di haber ku iregularidadnan na e servisio DROB cu otorgamento di tereno i falsificashon di dokumento. Den e caso aki? ta trata di dos a?mbtenaar di OLB, ku Ministerio Publiko a considera? como sospechoso, despues OLB a termina nan relashon di trabou. “ Un di e dos personanan aki? a hasi denuncia contra mi persona. E denunsia tin di haber cu un petishon pa un tereno den erfpacht cu mi a hasi na 2013. E tempo ei como director i don?o di e compania Bon Recycling B.V., mi a haci petishon pa un pida tereno den erfpacht i pa construcion i resiklahe despues riba e tereno. Segun e persona cu a haci denuncia e petishon aki lo no a cana segun prosedura” Rijna a bisa. Rijksrecherche kier investiga? esei awor. “Mi ta convensi? cu mi a actua corekto i tin confiansa den e combersacion cu mi lo bai tin ku Rijksrecherche. Naturalmente lo mi duna tur mi kooperashon na esaki” Rijna a bisa. Lesa e declaracion completo AKI.