Papa Francisco a ricibi Prome minister Evelyn Wever Croes

VATICANO - Papa Francisco a ricibi Prome minister Evelyn Wever Croes awe na Vaticano. Den combersacion cu prome minister Wever despues pa NoticiaCla, el a comenta e.o. cu e audiencia cu Papa Fransisco tabata algo sumamente especial. Prome tabata tin e audiencia  general riba Plaza San Pedro cu como 20.000 hende. “Nos tabata sinta na prome fila na banda di e podium. Despues di e audiencia y bendicion  mi a combersa cune” Wever a sigui bisa.

POBLACION CATOLICO 

Wever a conta e Papa tambe cu 75% di nos poblacion ta catolico. Di  nos birgen di Alto Vista y a dune e cuadra di e Kapel y un buki cu ta splica e historia” Ma pidi Papa pa bendiciona Aruba, pa bendiciona nos famianan na Aruba, pa bendiciona nos gobierno. Ma pidi Papa tambe pa tene Aruba Boneiro Curacao y pa tene Venezuela den oracion y duna nos bendicion” Wever a sigui bisa. Y finalmente, Wever a invite pa e bin Aruba. “Y na final Ela duna mi e bendicion pa henter pueblo. Segun e prome mandatario, e tabata un experiencia  unico y tabata un honor di por a representa Aruba y ricibi e bendicion pa henter Aruba.

AUDIENCIA

A splica tambe cu esaki ta considera un audiencia, segun regla di Vaticano. "Ora cu tin audiencia general, e ta papia cu tur hende, per e ta baha solamente pa saluda algun hende. Ami tabata e prome y despues dimi tabatin dos otro hende" Wever a sigui bisa. E potretnan cu tin p.e. cu presidentenan den despacho di e Papa, ta reserva pa bishitanan di estado di hefenan di estado. Den e caso aki, e audiencia aki na e nivel aki, ta uno special, cu ta cuadra cu e posicion di prome minister di un pais, esta cu no tur hende ta haya e atencion asina manera cu Wever a haya. Na 1990, ex prome minister Nelson Oduber tambe a topa e Papa di e tempo ey, Juan Pablo II na Corsou cu su famia.