JZP tratando caso di violacion di studiante Ibero Highschool

ORANJESTAD – Ministerio publico a confirma diamars atardi cu autoridad a cay aden den e caso di violacion di un studiante na Ibero American Highschool. E suceso cu a tuma lugar algun tempo atras, a bin na luz di dia e siman aki y a causa basta consternacion. NoticiaCla a raporta cu e sospechoso cu lo a comete e acto di violacion di e studiante di 15 aña a keda retira di scol, segun e cabesante di e scol. Polis e momento ey a desmenti cu tabatin un keho, y despues e tata lo a informa cu e no a haya cita pa denuncia e caso. Algo cu vocero di polis a desmenti tambe. Mientrastannto vocero di OM Ann Angela a confirma cu tin pasonan tumando lugar den e caso aki. “ Mi por bisa boso cu Jeugd en Zedenpolitie (JZP) a papia mientrastanto cu algun di esnan envolvi y e resultadonan di esaki ta actualmente wordo evalua pa Ministerio Publico. Relaciona cu privacidad di esnan envolvi, Ministerio Publico lo no duna mas informacion cu esaki” Angela a finalisa bisando.